पोखरा ५ दुगु । नेपाल तामाङ घेदुङ पोखरा महानगर नमोबुद्ध जम्बोलिङ तामाङ इकाईला १३ छा साधारणजोम्बा ओसेम ब्लिछा छेजोम दुगु ५ गते पोखरा बुद्धचोकला यु एण्ड मि रेष्टुरेन्टरि स्योल्बा मुला ।

नेपाल तामाङ घेदुङ संघीय ह्रोमि सुन्दर थोकर तामाङला ग्रेनडोन्बोरि ताबा गेताङरि गुन्दुनला न्होरचोहो मुगामाया तामाङ थेन चोहो असिम तामाङला व्हनाग्याम प्रस्तुत लाबा गेन्दुनला न्होरकि प्रतिवेदन थेन सांगठनिक प्रतिवेदन अनुमोदन लाबा मुबा ।

गेताङरि नेपाल तामाङ घेदुङ संघीय ङ्हाच्छाला ह्रोमि हरिमान तामाङ, घेदुङ गण्डकी प्रदेशला स्यानचोहो रामबहादुर तामाङ (शिवु), कास्की जोङ चोहो मिनमाया तामाङ, महानगर दाछोकला चोहो अन्जना तामाङ, गेन्दुनला ङ्हाच्छाला चोहो दुर्गा देबी तामाङला छ्याम विशिष्ट म्हिजुगुसे ज्याबाम्हान्बा सेमताम थान्बा मुबा ।

असिम वोम्जन तामाङला चोहोदानरि ताबा गेताङला संचालन मानसी थोकरसे लाबा मुबा बिसाम डेन सेमताम गोरधन तामाङसे थान्बा मुबा ।

(छिगकि दोनः छेजोम– अधिवेशन, स्योल्बा– सम्पन्न, ह्रोमि– सदस्य, गेन्दुन– संस्था, व्हना– तर्फ, न्होरकि– आर्थिक, स्यानचोहो– उपाध्यक्ष, दाछोक– समिति, सेमताम– मन्तव्य)