याम्बु १९ ड्वाफ्रे । ज्योति विकास बैंकसे ह्युलला ग्रामीण थुमकादेरि केवारक्षा चिकित्सा उपकरणकादेला महत्वदा ध्यानरि किन्सि रोल्पा जोङ्ला घर्तिगाउँ हेल्थपोष्टरि क्योलोलो केबा बिजाला ल्हुइला लेप्बादा सन्तुलनरि थान्बारि ओम हाइपोथर्मिया (च्याङ्नालेप्बा)ला जोखिम ग्याम सोना लातोबा बेबी वार्मर (डोइखाबा बिजा) मेसिन पिन्बा मुला । बैंकसे रोल्पा जोङला घर्तिगाउँ छ्यामरि, स्याङ्जा जोङ्ला अर्जुनचौपारी थेन गुल्मी जोङ्ला पुर्तिघाटला हेल्थपोष्टरि थे उपकरण पिन्बा मुला । दुर्गम थुमरि सुरक्षित प्रसुति सेवा आउदिन तोबा तामदा च्यासि बैंकसे ह्राङ्ला शाखा आरेबा ग्लारि नोन बेबी वार्मर पिन्बा हिन्ना ।

ज्योति विकास बैंकला पहलरि रोल्पा जोङ्ला माडी गाउँपालिका वडा नं. २ ला घर्तिगाउँ हेल्थपोष्टरि बेबी वार्मर थुइबा मुला । चुला छ्याम, बैंकसे गुलमी जोङ्ला पुर्तिघाट हेल्थपोष्ट थेन स्याङ्जा जोङ्ला अर्जुनचौपारी गाउँपालिका वडा नं. २ ला अर्जुनचौपारी हेल्थपोष्टरि नोन बेबी वार्मर थुइबा मुला । ल्होलो गेताङकादे ग्याम्से बैंकला मार्केटिङ, ब्रान्डिङ थेन डिपोजिट सेल्म विभाग प्रमुख कुशलजंग अधिकारीसे थे ल्हुइथाङ चौकीकादेला पदाधिकारीला छ्याम सम्बन्धित थुमला ल्होलो पदाधिकारीकादेला बोकिन्बा गुङरि थे बेबी वार्मर औपचारिक लिरि हस्तान्तरण लाबा हिन्ना । छ्यामरि, थेनोन दुइसाङरि अस्पतालला डाक्टर, नर्सला छ्याम सम्बन्धित कर्मचारीकादेदा खेन्पोग्याम्से बेबी वार्मर संचालन सम्बन्धी विशेष तालिम नोन पिन्बा मुबा ।

बैंकसे गेन्दुनगत सामाजिक उत्तरदायित्व प्रयोजनार्थ स्हेङ्बा ‘ह्याङ्ला विकास प्रबर्धन कोष’ ग्याम्से चु गोरसोम बेबी वार्मरला छ्याम दातेदोना ह्युलनाङ ६२ वटा बेबी वार्मर मेसिनकादे पिन्जिन्बा मुला । चु उपकरणकादे ग्याम्से मुतेबा दिङ छ्योआछ्यो २२९४ बिमा ल्हाना नेपाली बिजाकादेदा चु सुविधा पिन्सि अमुल्य केवा रक्षा लाबारि सफल ताबा मुला । विशेष लासि ग्रामीण थुमरि हाइपोथर्मियाला दर नोबा मुबा थेन चुला कारण क्योलोलो न्हाबा बिजाकादेला केवा जोखिमरि परतिबा दृष्टान्तदा सेमरि किन्सि बैंकसे थे मेसि पिन्सिकेन खाबा हिन्ना । दातेदोनाला योगदानसे छ्योआछ्यो ११४७० बिमा ल्हाना लाइनुकादे प्रत्यक्ष लिरि चु सेवा ग्याम लाभान्वित ताबा मुला । चुह्राङ्बा केवा रक्षण लाबा आउदिन ज्याबा थुमरि मुबा नेपालरि मुबा बैंक थेन वित्तिय गेन्दुनजुगु गुङरि ज्योति विकास बैंसे क्योङबिमा ङ्हाच्छा चिसि गेलासि समाजरि याखारगि सकारात्मक पोबाला ब्लु सुबा मुला ।