ल्हानान छ्योइ डोजि
भ्रम थोसि ब्राजि ग्रेन
ह्राङ्ला दुइला क्योङबिमा ज्ञानी दोबा
न्हाजि मिथ्या आत्मसन्तुष्टि
डोबा मुबा
थेन्छेबिमा खाल्छे छिग आसेमुबा
ह्राङ्दा थेनिकादेबिमा बुद्धिमान म्हान्जि
तिनि खासि तिक्खुरि भ्रमला छानोग्याम ब्याजि
खाइमा चु ताम सेजि
छिग आसेबाजुगुबिमा नोन आडोबा चिम ङा
डोजिन्मा नोन तोङ्जा थान छ्योइजुगु
थे ग्युइग्याम बन्चित नोन ताजिम थे डोनोन तोबा मुबा
तिगाइ ताम डोजिम तासाइ गोबारिन आखाम्निम थे गोनोन तोमुबा
डोनोन तोबा स्हे आडोमाहेन्से
कादे डोजि थे नोन आगोमाहेन्से
अज्ञानताग्याम तिसि अज्ञानतारिन थुम्जिम ल्हाम
आडोमा मुर्ख जेक्खे दोसेला मुसिम
ग्युइला भ्रमसे स्होजिम ग्रेनमुर्ख ।
(छिगला अर्थः ग्युइ– ज्ञान, ब्याजि– पछारिए, ल्हाम– यात्रा)
दोःबा : यकिना अगाध
तपाईको प्रतिक्रिया दिनुहोस