म्हि जाति थेन समाजला
दोङराप
गोसोलसे च्युर्सि दोपदोप्बा मुबा । 
एसे
पारदर्शी शिसा युसि
दुनियाँसे गोबा थेन सेबा स्होजि । 
गेला
तिङ, ग्लोबाला भुटुनरि 
पुँजीपतिसे
रेडलेबलतेन खाराङ्लासि छेमनिना चाला । 
चुलाफिरि
अतिरिक्त साइला
सिद्धान्तला विषाद व्याख्या ताजि । 
पुँजीपतिला
शोषणसे राप्बा टावरला एक्सरे ताजि । 
थेकारण
छार दर्शनरि फ्यालाला । 
जाम्बुलिङला म्हि !
एदा
ह्राङ्ला ह्युलरि ताल्चा ल्हागतिजि । 
फिरग्याप ह्युलरि
कादेरेम कोठाभाडा आरेबा दुइ
बन्दोबस्त सडकरि खान्दामान ठाम्जि । 
नाबा दुइरि
मानला लागि देप्तोजि ताङ !
कोलाला डोङ्बारि
कात्रो दोजि ह्राङ्लान इस्टकोट नोन । 
तासाइ नोन
हार्बारि आपिन्नि 
एसे
माक्र्सवादी ग्रेन ग्युइला सागर । 
एला डोङ्बारि
मलामी च्युइसे गिक जेक्खे राप्साइ नोन । 
तिनि
अर्बौ क्रान्तिकारी एला तस्वीर थोला । 
महान काल्र्स माक्र्स !
एला तिनि केवासाङरि
सेमहेन्से फ्यालाला ओसेम बुमजा श्रद्धान्जली । 
(छिगला अर्थः गे– श्रम, साइ– मुल्य, नाबा– बिमार, बुम– लाखौं)

दोःबा : यकिना अगाध