मे ५, जाम्बुलिङला सर्वहारा वर्गला महान गुरु कार्ल माक्सला २०७ छा केवा दिङ्साङ । सन् १८१८ मे ५ कुनु जर्मनला ट्रीयर नगररि कार्ल माक्सला केबा ताबा हिन्ना ।

जाम्बुलिङसे कार्ल माक्सदा ल्होलो मिनसे डान्बा लामुला, महान चिन्तक, दार्शनिक, विचारक, राजनीतिज्ञ, अर्थशास्त्री, बैज्ञानिक, स्योमि ल्होलो । देन्बारि थेदा थेला क्रान्तिकारी सेमतेन थेन व्यवहारसे आसिबा थेन आम्लेबा स्होबा हिन्ना ।

जाम्बुलिङ गेनामवर्गसे थेदा मुक्तिदाताला लिरि तेन्बा लाला । शोषण थेन उत्पीडन ग्याम म्हिला मुक्तिला ग्यालाम उन्बा पथ प्रदर्शकला लिरि डेन लाला ।

वर्गीय लिरि फेबा समाजरि वर्गीय मुक्तिला ग्यालाम वर्ग संघर्ष हिन्ना । वर्गरि फेबा समाजला काक्ता (समस्या) डोसि छिम्बा (समाधान) ला प्रभावकारी उपाय तिनिदोना स्यान्दो खालाइसे प्रस्तुत लाबारि खाम्बा आरे बिले म्हिला मुक्तिला ङ्योइबारि नुप्ना घोत्लाप ताबा थेन मुक्ति बैज्ञानिक ग्यालाम उन्बा म्हि, म्हि जातिला दोङरापरि कार्ल माक्र्स जेक्खे हिन्ना बिमा तिगाइ फेबा ताम आता ।

कार्ल माक्र्ससे जाम्बुलिङला व्याख्या जेक्खे आलानि बरु जाम्बुलिङदा पोबा ताम लाजि, जाम्बुलिङदा पोबा बैज्ञानिक दानः थेन उपायकादे पिन्जि । ऐतिहासिक लिरि प्रमाणित ताजिन्बा मुला कि माक्र्सवाद जाम्बुलिङदा पोबा क्रान्तिकारी विज्ञान हिन्ना । माक्र्सवादला केबा म्हिला सभ्यताला दोङरापरि आउदिन ल्हाना युगान्तकारी घटना हिन्ना बिबा तामरि खोजिबाइ कोल्बा आरे ।

हिन्ना, क्रान्ति थेन मुतेबा पोबाला लागि ग्यालाम उन्बा दर्शन दोजि माक्र्सवाद । म्हि समाजला तीब्र गुणात्मक प्रगतिला दानः दोजि माक्र्सवाद । पुँजीवादला उत्थान, विकास थेन पतनला ठिम हिन्ना, माक्र्सवाद । माक्र्सवादसे म्हि जातिदा जाम्बुलिङ गोबा थेन पोबा ज्याबा संगत बैज्ञानिक जाम्बुलिङ दृष्टिकोण पिन्बा मुला ।

विश्वविद्यालयला लोप्खेन दोसि ह्रोसे छार पुस्तादा डोपुङ्बा सेम मुबा । प्रतिक्रियावादीकादेसे ह्रोदा शिक्षण नाम (पेशा)रि वाङ्आपुङ्नि । ह्राङ्ला सेमतेन मोक्कोनला ङोन्छाङ दोना लाबारि ह्रोसे छिपारि वाङ्स्ह्युजि । प्रतिक्रियावादीकादेसे स्योस्यो डुङ्सि ह्रोदा ह्युलग्याम स्युर्जि । माक्र्ससे फिरग्यापह्युलरि मुमा सुताइ गेनाम वर्गला मुक्तिला लागि थेनआताना अविचलित तासि कलम स्याङ्सि संगठन लास्ह्युजि ।

माक्र्सला द्धन्दात्मक भौतिकवाद बैज्ञानिक दर्शन हिन्ना । न्युटनसे गुरुत्वाकर्षणला ठिम थेन चाल्र्स डार्बिनसे जीव विकासला ठिम पत्ता ल्हागाब लाबाह्राङ माक्र्स थेन एंगेल्ससे समाज विकासला ठिम पत्ता ल्हागाब लास्ह्युजि । बिले, समाजरि वर्ग मुतेदोना वर्गसंघर्ष ताबा थेन थे संघर्षरि सर्वहारा वर्गसे शोषक वर्गदा ब्लिङ्बा ठिम नोन माक्र्स थेन एंगेल्ससे पत्ता लास्ह्युजि ।

ह्रोन्छे व्यक्तिगत सम्पत्तिला ङ्हाच्छारिन समाज वर्गरि फेबा, द्धन्द ल्हेबा, अशान्ति, हिंसा थेन युद्ध तिबा स्पष्ट लिरि ब्याख्या लास्ह्युजि । बेलायतरि सन् १६४२ रि केबा न्युटनला गुरुत्वाकर्षणला ठिमसे तिनि जाम्बुलिङला सेवा लाबाकेन मुला । चुह्राङ्नोन लासि माक्र्स थेन एंगेल्सला ग्युइसेरसे नोन जाम्बुलिङला मुतेबा म्हि जातिला सेवा लाबाकेन मुला । 
काभ्रे