प्यालेस्टाइनरि तोङ्जाछा बिजाकादे जिन्ना लाजि...
खुदा मस्जिद ख्लासि आखानि ।
तिल्मा मथुराला लाथान न्हाङरि
याखारगि जाजा जामेकोलादा बलात्कार लाजि...
कोन्ज्योसोमसे खाजिबाइ दा आक्युइनि
न्हा ओम खाजिबाइ अवतार नोन किन्जि ।
हिटलरसे बुमछा यहुदीकादेदा सेजि...
यहोवा व्हा याहवेसे खाजिबाइ प्रतिवाद आलानि ।
ओम कोन्ज्योसोम तिल्दा ?
चुला गोर ङ्ही कारण ताबारि खाम्ला...
गि– थेदा खाबा सेम आरे
बिले थेसे पालेआरेबा म्हि सेबा,
बलात्कार थेन ङ्हाप्बादा जायज म्हान्ना ।
ङ्ही– थे खानोन आखाम
बिले थे सर्वोच्च सत्ता आहिन ।
तिगादाम्मा मुगाइ !
भगत सिंहसे ठिक्कान बिबा मुबा–
ङ्हाच्छारिम कोन्ज्योसोम नोन आरे
चोदे मुला बिसाइ नोन–
तिगा थे म्हिला स्हुरि छुग किन्सि ताङ्चिबा मुला ?
म्हान्जि– सायद चुह्राङ्बा चुह्राङ्बान मुसिम !
(छिगला अर्थः कोन्ज्योसोम– भगवान, बुमछा– लाखौं, पालेआरेबा– निर्दोष, ङ्हाप्बा– शोषण)
नेपाली दोःबा : बलराम तिमल्सिना, तामाङ दोःबा : यकिना अगाध
तपाईको प्रतिक्रिया दिनुहोस