कोन्ज्योसोमला कुसे म्हि म्हि छेबा च्याचिबा मुबा । कोल्मे सेबाला साक्षी दोचिबा मुबा । अराजकताला दृष्यपान लाचिबा मुबा । विनाश लिला स्याबाला च्याखेन दोचिबा मुबा ।
तिक्खुरी सेबाथाबा प्रकरण केनालाबा म्हि अर्ध मुर्छित नाछालरि कोन्ज्योसोमला कुरि स्योन्तोलोङ तागाजि ।
कोन्ज्योसोमसे ङ्योइजि, ‘ओइ कोल्मे ! एसे ङाग्याम तिगा सेमतो लाबा मुला ? नरसंहारमि एसे लाजिन्जि ।’
ल्होकल्होक दार्चिबा काइरि या ङ्ही थुइसि थेसे बिजि, ‘प्रतिशोधला भावनारि थेनिकादे मुला । ङाला कोलादा सेबा तयारीरि मुला । थेनोन ङाला सर्वस्व हिन्ना ।’
कोन्ज्योसोमसे ब्लाप्बा काइरि पाङ्जि, ‘ङाइ ठुङ्ना लाबा विवेकशील प्राणी एनिकादेन रक्त पिपासा दोमाहेन्से ङाला तिगा गेल्ला ?’
थेसे अलाप बिलाप लासि बिजि, ‘ओइ कोन्ज्योसोम ! ह्राङ्नोन सृष्टिकर्ता, ह्राङ्नोन न्हाबाकर्ता, ह्राङ्नोन रक्षक । ङाला बिन्ति ङ्योन्स्ह्युगो ।’
कोन्ज्योसोमसे पाङ्जि, ‘जिद्दी थालाउ ! होस्रि खाउ । ङाम एनिकादेसे स्हेङ्बा कु हिन्ना ।’
गैरबास, कालेबुङ, भारत ।
(छिगदोनः कु– मुर्ति, कोल्मे– मानव, नाछाल– अवस्था, कोन्ज्योसोम– भगवान, गेल्बा– सीप नलाग्नु/केही नलाग्नु)
दोःबा : यकिना अगाध
तपाईको प्रतिक्रिया दिनुहोस