केवा छिन्नाङ मुला हाज्याङ कोलोङ तिलाइ आरे
चेगाइसे पोप्पा सेम लिमारि तिलाइ आरे ।
एला ङाला बोङ्बा चुरि सोदेदोना
ह्रो बिसि छात लाबा देम्बा तिलाइ आरे ।
पाङ्मा पाङ्सि गादे दुइ फुस्सा फ्याङ्खाम्ला
सा नाङरि रुङ्बा दान्दे छार्बा तिलाइ आरे ।
ठुक्पा, खेप्पा, ङ्याबा लान्नान डन्ड ताला लिसाङरि
रेच्छिक न्होप्पा बिमा ग्रेन थोलसा तिलाइ आरे ।
म्हाइसि निजि देम्बा ल्हान्नान ग्लारि ब्राजि
गोम्बा आरेसाम केवारि काप्लेङ तिलाइ आरे ।
(छिगदोनः याम्बाजागि– क्षणिक, कोलोङ– शेखी, रुङ्बा– सुरक्षित, ठुक्पा खेप्पा– रिस राग, ङ्याबा– हेला, डन्ड– सजा, न्होप्पा– क्षति, थोलसा– क्षमा, रेच्छिक– एक क्षण, गोम्बा– आस्था, काप्लेङ– बाँकी ।)
चु छिग थेन दोन ब्रिखेन ब्लोनलान हिन्ना । ह्रो भारत डुबर्सला हिन्ना । छारछिगफिरि काठुइ लाबारि ङान्छे डिक्आलाना ओस्बान थान्बा मुला– डिक्खेन ।
तपाईको प्रतिक्रिया दिनुहोस