आउदिन ग्रेन ब्रिफकेस
वाला रिबनसे खिबा
स्हुरदाम, सुरुवाल, कोट, ढाका कुलाकी
थेन डिला च्युलच्युल्बा स्होन्बो ढल्काप लासि
ललिता निबासला भिलेन सिंहदरबाररि वाङला
१९ खर्ब ६४ अर्ब ११ करोड
२०८२/८३ दिङला बजेट थोसि
दोङरापलान ग्रेन बजेटला ब्रिफकेस थोबा होडबाजीसे
चु दिङ नोन
कर्मचारीदा ताङ्ना लासि महंगी भत्तासे सुङ डुङ्पिन्जि
नेताला झोले थेन चम्चाकादेदा सुङ डुङ्पिन्सि
ठेकेदार थेन छोङ्म्हिला सुङ डोङ्बा मुला
करला निर्धारण लापिन्ना
साइला निर्धारण लापिन्ना
चु सरकार
प्राङ्बो थेन फ्योक्पोदा च्योच्यो मुला । 
फ्युक्पो कर ख्योला
प्राङ्बो कर फाला 
१० खर्ब कर रेला
चालु खर्च ह्युल्बासे फाबा करसे तलबभत्ता चाला
तलब भत्तादा आछ्यो
पुँजीगत खर्च डुङ्सि
ह्युलदान बलि पिन्बा बजेट
विकास खर्च छे तेसि
बाबा फिरग्यापह्युल्पा ङोन्छाङ स्योन्दोलोङ तासि
२७ अर्ब छेग्याम ३५ अर्ब छे दोबाकेन मुला
फ्रिज खाता म्हाइसि
छे किन्सि म्हार चाबाकेन मुला नाकिकादे
चु कोठारि चिसि भत्ता किन्सि स्होबा बजेट
दोसि ह्युल्बा सोबा दिमदिमरि म्लाङ खासु खिल्जि
किसान सिबाकेन मुला
गेनाम सिबाकेन मुला
बेरोजगारी सिबाकेन मुला
चु सामन्ती दलाल नोकरशाहीला डिछ्या हिन्ना । 
भ्रष्टाचारदा ल्हेना लाजि
प्राङ्बो झान प्राङ्बो स्होजि
दोसि प्राङ्बोकादेफिरि निर्मम बज्र छेप्बा मुला । 
तुरुन्त फिर्ता किन्गो चु बजेट
प्राङ्बो ह्युल्बा सेबारि आम्याङ ।

(छिगला अर्थः फ्युक्पो– धनी, प्राङ्बो– धनी, ख्योला– छल्छ, खिल्जि– मडारियो, गेनाम– मजदुर, डिछ्या– व्यवस्था) 

दोःबा : यकिना अगाध