तामाङ न्हाङखोरदा पोबा थोगे म्हान्जि नारा 
ह्युल्साला न्होर कोङ्ना लादोबा मुला क्योङ । 
ह्युल ह्युलरि स्हेङ्बा तामाङ लोप्खाङ ग्रेन मुला अभियान 
रिमठिम ग्योइ सोदोबा ज्याबा, ह्याङ तामाङला ङोसेबा ।

नाम्साला ज्योज्यो–आले, नाना–आङा गिक लासि ङ्हाच्छा बोर्तोला
लासि चिबा संस्कारकादे म्हाइसि डिक्ना लादोला ।
तामाङ दोङराप स्होबारि नाम्सा नान्सा ब्राउ वाङ्सि
गोष्ठी काठुइ तामाङ ग्युइला प्रचार लागे रेदाङ्सि ।।

पेङ्दोर्जे म्हेमेसे  स्हेङ्थान्बा ठुङ्सा बाप्सा ताम्बाला ताम
फेबा जातिला बे्रल्बारि ताम्बासे आलाबा मुला चरला ताम ।
ह्युलठिमरि ब्रितोजि सोना लासाम ह्युलला ठिम
ताम्बा, बोम्बो, लामासे कादे ज्याबा ह्युल स्हेङ्जिम ।।

ह्याङ तामाङला दिम दिमरि डम्फु थानो दिम्ला गिक
साङसेरकेम ह्युल छ्योत्पान डम्फु ह्राप्के सामुहिक ।
सेबु, सेमुला ब्रेल्साङरि टाङा मालासे आग्यानो
कोम्हेन्दो मालासे ग्यान्गो, चु ताम बेनान्से सेमरि थानो ।।

बाबा मुला तामाङ ग्योइ ब्रिखेन जोम्सि ह्युल न्हाङरि
सरकारसे लाउ बिमु ब्रिबा डोबा लोप्खाङरि ।
ब्रिबा डोबा लाबा ग्योइ सम्भोटा कि तामायिक ?
ग्योइ ल्हेछ्या लाबारि ‘तादोबा मुला तामाङ गिक...।।’२

(छिगला अर्थः पोबा– परिवर्तन, न्होर– आर्थिक, ङोसेबा– पहिचान, काठुइ– छलफल, ह्युलठिम– संविधान, ल्हेछ्या– संवर्धन)