थे दुइरि... !
ग्लेतन्त्ररि,
आपा, म्हेमे पुर्खाजुगुदा
मासिन्या मतवाली, ग्याप्बा, भरिया स्होसि
खानाङजा दरबार स्होबारि,
खानाङजा ग्यालाम स्होबारि,
फोइदान युङ्बा काप्जि,
फोइदान सिम्बा बालुवा काप्जि ।
खाइमा,
ग्ले थेन ग्लेला दिमम्हेला सवार लाबारि
लिखन्डि काङ्फ्ला, फोइदान फोरि,
भमिफेदीला हान्डोरि सग्लो गाडी काप्जि ।
थेनोन भरियाला टुरि मोज लाजि ।
दाते,
गणतन्त्ररि,
गणतन्त्रला नश्लवादी ग्लेजुगुसे
कोला, छायाजुगुदा
खालाइदा
पिङ पासपोर्ट पिन्सि
फिरग्याम ह्युल्बाला भरिया दोबारि पुइजि
थेनोन भरियासे पुइगाबा रेमिट्यान्सरि मोज लाचिबा मुला ।
खालाइदा,
नाकाहेन्से दरबारदोना,
विमानस्थलहेन्से विमानस्थलदोना,
म्हार पुइबा भरिया स्होजि ।
खालाइदा,
ट्रकरि २५ करोड न्होरला भरिया स्होजि
खानाङ्थामा ठेगेदार ठेगेदारला बार्गेनिङ आडिक्नि
थेनोन भरियादा,
फ्याङ चुङ्सि डुङ्जि ।
दोःबा : यकिना अगाध
तपाईको प्रतिक्रिया दिनुहोस