शंखध्वज बम्जन ज्योज्योला दिमरि बुद्ध केवासाङ्ला दुइसाङरि २७ गतेहेन्से तिबा ला देन्देर (देवाली) दुगु (वैशाख) ३० गते जिन्जि । गेताङरि मुल लापताबा (लाबोन) ङाला आकु साँजि अमर बम्जन, ज्योज्यो बलराम बम्जन, शंखध्वज बम्जन थेन बम्जन वंशला बुसिङकादे थेन स्यान्दो ज्योज्योआले र ङेङ्गोरजुगुसे बोकिन्बा मुबा ।
चु आब्रिबा दस्तावेजदा पुस्तान्तरण लाबा उद्देश्य थेन ह्राङ्ला कुलदा डेन लासि चुह्राङ्बा गे लाला । बम्जन वंशकादे ल्हानाला दिमरि चुह्राङ्बान तोसोला देन्देर, ला ला गे लामुला । कुलदा छ्योकु लाबा तोसो ङिसरे, ब्लिरे थेन सोमरेला ताबा तामुला रो !
ङिसरे लाबा लागेदा– लसुल, ब्लिरे लाबा लागेदा– देन्देर, सोमरे लाबा लागेदा लाला गे बिमुला ।
ल्हानाह्राङ्बासे लाल गे लाबा म्राङ्मुला । लसुल थेन ला देन्देर लामा बुसिङकादेसे च्याङ्ना तासाइ कोसेलीला लिरि सगुन बाबा ठिम मुला ।
सगुन थोसि मायुङजुगुतेन बुसिङकादे नोन ङ्हाला तालरि स्याबा ठिम मुला । ठिम आन्सार मायुङजुगुतेन आसुकादे ओम ङानि नानाआङाकादे नोन स्याजि । चु ग्ला आन्सार फेबा फेबा ताबारि खाम्ला ।
दोःबा : यकिना अगाध
तपाईको प्रतिक्रिया दिनुहोस