तामाङ बिजाबुमोदा तामाङ ग्योइ, रिमठिम लोप्पा कार्टुन युङ्पो खाबा मुला । बिख्रेन मोक्तान दुपवाङ्गेलसे दात्तेला प्रविधिला फेल्गेबाला छ्यामरि बिजाबुमोदा ग्योइ लोप्पारि स्यान्दो ग्योइला कार्टुनले प्रभावित लासि चिबा दुइरि तामाङ ग्योइरि कार्टुन स्हेङ्बा हिन्ना ।

मोक्तानलान राप थेन काठाक्बारि तिप्लिङ मिडियासे तेबा कार्टुन मोक्तान ग्ले युट्युब च्यानलग्याम फिग्र्याप बाबा हिन्ना । 

कार्टुनरि मान बहादुर थिङ, ठुलिमाया मोक्तान, फुर्साङदोर्जे ग्लान, आयुमी मोक्तान तामाङ, अमित बल तामाङ थेन अंकित बल तामाङसे काइ युबा मुला ।  

कार्टुन स्होबारि जापानला लागिरि ङ्हाच्छाला राजदुत डा. गणेश योन्जन, स्यानह्युल तामाङ सेङ्जाङला ग्रेनगाउराइ टासि लामा, विष्णु मोक्तान, ओमप्रकाश नेम्बाङ, पेमा घिसिङ थेन गाङनाम्सा तामाङ दाछोक, नमोबुद्धसे न्होर ह्रोलाबा मोक्तानसे ग्रानाङ पिन्जि ।

अंग्रेजी, हिन्दी ग्योइ थेन नेपाली छ्यामला ग्योइला कार्टुन च्यासि खाबा तामाङ बिजाबुमोदा तामाङ ग्योइ लोप्पारि कार्टुनसे ह्रो तानाकि कार्टुन स्होबा ह्रोला मोक्तानसे पाङ्जि ।

युङ्पो बो गिक फिग्र्याप बाबा ह्रोसे बो ङ्ही थेन सोमला रापनोन तयारि मुबा ग्रा पिन्जि । ग्योइकाइ ब्रिखेन मोक्तानसे तामाङ ग्योइला ह्वाइखा, ह्वाइकादे ब्रिबा मुला बिसाम तामाङ छिगबुमनोन तेसिजिन्बा मुला ।

(छिगदोनः फेल्गेबा– विकास, काठाक्बा– निर्देशन, स्यानह्युल– अन्तर्राष्ट्रिय, सेङ्जाङ– परिषद्, दाछोक– समाज, ग्रानाङ– जानकारी, ग्रा– सूचना)