याम्बु ८ दुगु । ज्योति विकास बैंक लिमिटेडसे ह्युलनाङ गोर ङीस नोन प्रदेशरि दोङ सुबा गेताङ सफलतापूर्वक स्योल्ना लाबा मुला । बैंकसे ह्युलनाङ गोर ङिस ल्होलो प्रदेशला ल्होलो ग्लारि गेताङ स्होसि तोङ्जा १ से ग्यार्जा ७०० गोर दोङ सुबा हिन्ना । । थे गेताङ बैंकसे ह्राङ्ला गेन्दुनकि सामाजिक उत्तरदायित्व न्हाङरि स्हेङ्बा “ह्याङ्ला फेल्गेबा ल्हेछ्या कोष” ग्याम्से लाबा हिन्ना ।

गेताङ न्हाङरि गोर ङीस प्रदेशरि च्योच्यो स्ह्रुगरि दोङ सुबान मुतेबा प्रदेशरि २५० गोर बिरुवा सुबा हिन्ना । चु पहलग्याम्से वातावरणीय सन्तुलन कायम थान्सेला दोन्ताला छ्याम स्थानीय समुदायरि पिङ्गाइ फेल्ना लाबा, चाङ्मा वातावरणला ख्युरछ्या ओसेम जनस्वास्थ्यफिरि सचेतना ल्हेना लाबा दोन्डुब लक्ष्य बैंकसे किन्बा मुला । सुबा बिरुवाजुगुसे टुबा दुइदोना चाङ्मा लाबाला आपूर्ति, पारिस्थितिक सन्तुलनला ख्युरछ्या ओसेम टुबा केवाज्योला ल्हेछ्यारि महत्वपूर्ण योगदान पिन्सेला विश्वास बैंकसे किन्बा मुला ।

ज्योति विकास बैंकसे ह्राङ्ला १७ छा दिङसाङकि काप्तोला दुइसाङरि लुम्बिनी वल्र्ड पिस फोरमतेन छ्यागे लासि ह्युलनाङ दोङ सुबा कापाङ लाबा मुबा । थे छ्यागे थुन्च्या आन्सार चु गेताङदा प्रभावकारी स्ह्रुगरि कार्यान्वयन लाबान दोङ सुबा स्योल्ना लाबा मुला । ज्योति विकास बैंकसे खाबा रेजुगुरि नोन चुह्राङ्बा सामाजिक पहलजुगुदा निरन्तरता पिन्बान समाजला मुतेबा फेल्गेबा थेन अभ्युदयरि योगदान दोना लासेला प्रतिबद्धता व्यक्त लाबा मुला ।

ज्योति विकास बैंकसे उपत्यका थेन उपत्यका माङग्यार लासि दाते ११७ शाखा गेदिम, ३ विस्तारित काउन्टर ओसेम ७५ गोर एटीएम ग्याम्से बैंकिङ्ग साप्तो डुब्ना लासिकेन खाबा मुला ।

(छिगकि दोनः स्योल्बा– सम्पन्न, गोर– वटा, गेन्दुनकि– संस्थागत, फेल्गेबा– विकास, ख्युरछ्या– संरक्षण, स्ह्रुग– रुप, ल्हेछ्या– प्रबर्धन, दोन्ता– उद्देश्य, पिङ्गाइ– हरियाली, फेल्बा– विस्तार, चाङ्मा– स्वच्छ, दोन्डुब– लक्ष्य, केवाज्यो– जीवनशैली, दिङ्साङकि– वार्षिक, काप्तोन– उत्सव, छ्यागे– सहकार्य, कापाङ– घोषणा, थुन्च्या– सम्झौता, साप्तो– सेवा, डुप्बा– उपलब्ध)