‘एल २ एम्पुरान’ से ब्लिरेरिन बोजि ‘छावा’ ला रेकर्ड
लिच्छाला दुइरि दक्षिण भारतीय सिनेमा बक्स अफिसरि ज्याबा कमाइ लाचिबा मुला ।
निबा दिङ ‘पुष्पा २ः द रूल’ से ‘जवान’, ‘पठान’ थेन ‘स्त्री २’ दा ग्याप्से ताना लासि आउदिन कमाइ लाबा सिनेमा स्होबा मुला । दारे २०२५ रि दक्षिण भारतीय सिनेमा ‘एल २ एम्पुरान’से कब्जा लाबा मुला । चु सिनेमा २७ मार्च हेन्से हलरि रिलिज ताचिबा मुला ।
भारतीय यान्पाङ स्हेग्याम रेदाङ्सेला जागरणला आन्सार ‘एल २ एम्पुरान’से ब्लिरेरिन बलिउड सिनेमा ‘छावा’ला रेकर्ड बोबा मुला ।
लक्ष्मण उतेकरसे निर्देशन लाबा सिनेमा ‘छावा’से जाम्बुलिङ नाङ ग्याम्से ब्लिरेरि १५६ करोड ६२ लाख भारु छाबा मुला । ओस्बान ब्लिरेरि ‘एल २ एम्पुरान’से जाम्बुलिङ नाङ ग्याम्से १५६ करोड भारु छाबा मुला ।
पृथ्वीराज सुकुमारनला निर्देशकरि स्होबा एक्सन थ्रिलर मलयालम सिनेमा ‘एल २ एम्पुरान’ सन् २०१९ रि रिलिज ताबा सिनेमा ‘लुसिफर’ला सिक्वेल हिन्ना ।
तपाईको प्रतिक्रिया दिनुहोस