मोनिका एर्टल याखारगि जर्मन बोलिभियन कम्युनिष्ट मुबा, थेला आपा हान्स एर्टल बोलिभिया ह्यार्बा ङ्हाच्छा नाजी प्रचारक मुबा । 

मार्टल नाजी ह्रोकादेला गुङरि डोबा, छार्बा तासाइ नोन थेसे ह्राङ्ला नाजी दिमम्हेतेन सम्बन्ध बोजि ओम कम्युनिष्ट दोजि । सन १९६७ रि क्रान्ति नायक चे ग्वेभाराला हत्याला खि किन्बा महान उद्देश्यला छ्याम बोलिभियाला राष्ट्रिय मुक्ति सेना (ELN) रि बोकिन्बा मुबा ।

सेनाला बो गिला लिरि कमाण्डर चेला ङ्हाच्छाला ह्रोजुगुतेन हत्यारा म्हाइबारि ह्राङ्दा समर्पित लाबा मुबा ।

हत्याला खि फाबारि सन १९७१ रि एर्टल जर्मनीला ह्यामबर्ग शहररि निजि, थेरि थेसे कर्नल रोबर्टो क्विन्टानिला परेरादा स्याप्जि । डान्तोबा तिगा मुला बिसाम पेरेरासे चे ग्वेभारादा मृत्युदण्ड पिन्बा आदेश पिन्बा मुबा । ओम, चे ग्वेभाराला यादा ट्रफीला लिरि थाबारि आदेश नोन पिन्बा मुबा । थे या तिनिदोना फिर्ता ताबारि खाम्बा आरे, पत्ता ल्हागतिबा आरे ।

कर्नल राबर्टो क्विन्टानिला पेरेरा ह्याम्बर्गला बोलिभियाली वाणिज्य दुतावासरि गेलाचिबा मुबा । ओम थेरि स्याप्माहेन्से चु विश्वास लामुला कि एर्टलसे पेरेराला कुरि गोली सोम छेप्बा मुबा । सिबा पेरेराला छेन्देला ङामरि राष्ट्रिय मुक्ति सेना (ELN) नारा ‘कि डाबा कि सिबा’ ब्रिसि ख्लाबा मुबा ।

चु घटना लिच्छा एर्टलला हत्या लाबारि थेला थोबोला इनाम तोकतिबा मुबा, तासाइ नोन थे सफलतापुर्वक बोलिभिया दोसि निबा मुबा, ङ्हाच्छाला नाजी गेस्टापो (नाजीला गुप्तचर गेन्दुन) से थेदा कब्जा लाबा ल्होलो बाङ लाबा मुबा ।

तासाइ दुखद घटना तिगा ताजि बिसाम १२ मे सन १९७३ रि सीआईए प्रशिक्षित बोलिभियन एजेन्टग्याम थेला हत्या लाबा मुबा । ओम, थेला छेन्दे खाइमाइ आस्याप्नि, थेला छेन्देदा सुताइ खाइमाइ आस्याप्गाइ बिसि बेपत्ता ताना लाबा मुबा ।

तासाइ नोन एर्टलला बिरासत छोन्बो मुला । नायककादे खाइमाइ आसि, थेदुइदोना खि फाबारि प्रेरित लाबाकादे कारि बिमा कर्मरि तल्लिन ताला ।

(वाईसियल बेलायतला ट्वीटरग्याम किन्बा)

नेपाली दोःबा : जय कार्की, तामाङ दोःबा : यकिना अगाध)

(छिगला अर्थः खि– बदला, छेन्दे– लास)