मोहन तामाङ नेपाली छारिब्योन वैज्ञानिक हिन्ना । थेसे नेपाली अन्तरिक्ष थुमरि ग्रेन योगदान पिन्बा मुला । थेला केवाला ल्हाम खोटाङला जाजाबा नाम्साग्याम तिसि स्यानह्युल डाजाङदोना दोबा मुला ।
प्रमुख उपलब्धिकादे :
१ रकेट प्रतियोगिता : कक्षा १० रिन ह्युल थेन स्यानह्युल रकेट प्रतियोगितारि बोकिन्सि नेपालला प्रतिनिधित्व लाजि ।
२ क्यान–स्याटेलाइट : लोप्बोन दुइरिन पर्यावरणीय डाटा पोप्बा जाज उपग्रह स्होजि ।
३ SEDS नेपाल : जाम्बुलिङनाङ लोप्बोन गेन्दुनला नेपाली शाखा स्हेङ्सि तोङ्जा ङ्ही छारिब्योनदा अन्तरिक्ष प्रविधितेन थुइबा गे लाजि ।
४ गरुड रकेट : नेपालला गिक्छा साउन्डिङ रकेट स्होसि २०२१ रि सफल प्रक्षेपन लाजि, थेसे अमेरिकारि पुरस्कार डाजि ।
५ म्याक २४ अर्बिटल्स : नेपालला गिक्छा रकेट स्टार्टअप स्हेङ्सि जाजा उपग्रह प्रक्षेपण लाबारि हाइब्रिड प्रविधि विकास लाचिबा मुला ।
लिउला दोखाङ :
क) २०२९ दोनारि नेपालग्याम नोन ओर्बिटल–क्लास रकेट प्रक्षेपण लाबा ।
ख) स्यानह्युल ह्रोगेग्याम नेपालदा अन्तरिक्ष प्रविधिरि आत्मनिर्भर स्होबा ।
मोहन तामाङला गेसे नेपाली छारिब्योनदा विज्ञान थेन प्रविधिरि ङ्हाच्छा वाङ्बारि प्रेरणा पिन्बा मुला । थे नेपाली अन्तरिक्ष उद्योगला अग्रणी हिन्ना ।
(छिगला अर्थः केवा– जीवन, ल्हाम– यात्रा, स्यानह्युल– अन्तर्राष्ट्रिय, डाजाङ– मन्च, जाम्बुलिङ– विश्व, लोप्बोन– विद्यार्थी, लिउ– भविष्य, ह्रोगे– सहकार्य)
दोःबा : यकिना अगाध
तपाईको प्रतिक्रिया दिनुहोस