‘सेमहेन्दे थुजेछे जामे !’ जामेला श्रद्धा थेन भक्ति म्राङ्सि आपाचा ताङ्जि । तासाइ नोन सेमला गुगिरि आसाल्बासेमसे क्रोचिजि ।

जामेसे ताङ्सिकेन बिजि, ‘पेना थालास्ह्युगोले आपा ! स्यान्दो रेरि तिगादाम्मान तागाइ । तिनिचा आपा दिवस । दाते ङा ह्राङ्ला मुतेबा गे ख्लासिमाम खाबा मुला ।’

‘तिनि जेक्खे खानाङ हिन्ना ओम जामे ? १२ ला, ३० रे एला चेगाइ थेन सेवा मुला । तिनिलान रेकुनु मुतेबा दिङ ङादा म्हेन्दोमालासे स्याम्ला । चु ङाफिरि एला आटाङ्बा डेन हिन्ना ।’ आपासे सेम क्युङ्ना लासिकेन पाङ्जि ।

‘हिन्ना ताला आपा नोन ! थुजेछेमि ङाइ पिन्तोला । ङा आउदिन गौरवान्वित मुला । केबा, धर्म, गे, रिमठिम थेन संस्कार मुतेबा ह्राङ्से पिनस्ह्युजि ।’

आपाचासे स्हुुकिन्सि पाङ्जि, ‘संस्कार लोप्बारि बिसाम एसे म्लेबाह्राङ्बा मुला जामे !’

तिक्खुरी चु छिगसे जामेचादा पाकस्हुखाजि ओम ङ्योइजि, ‘ङाग्याम्से तिगा ख्योल्जि ओम आपा ?’

‘ङाइ तोङ्जा रेम पाङ्जिन्जि जामे ।’

‘तिगा सुङ्स्ह्युबा मुबा आपा ?’

‘बिजिले ह्याङ्ला आपा दिवस ‘कुसे औंसी’कुनु तेन्तोला बिसि ।’

गैरीबास, कालेबुङ, भारत ।

छिगला अर्थः आसाल्बासेम– असन्तुष्टि, स्याम्बा– सजाउनु, स्हुकिन्सि– दुखी हुँदै, ख्योल्बा– बिराउनु)

दोःबा : यकिना अगाध