ङाइ गिक्खे तामाङदा ह्रुप ताबाइतेन पाङ्जि, ‘ल्हास्सो फ्याफुल्ला !’
थेसे जाक्कि फुरताङ्सि पाङ्जि, ‘ल्हास्सो फ्याफुल्ला !’
स्ह्योनोन मुबासे ङाइ ङ्योइजि, ‘च्या सोल्जि ?’
थेसे पाङ्जि, ‘थुङ्जि ।’
थेसे नोन ङादा ङ्योइजि, ‘ह्राङ्से च्या सोल्जि ?’
ङाइ पाङ्जि, ‘थुङजि ।’
थेसे ङ्योइसिन ख्लाजि, ‘ह्राङ तामाङ हिन्ना ? ह्राङ्दा नोन तामाङ ग्योइ खाला ?’
ङाइ पाङ्जि, ‘उदि उदि गोबान मुला ।’
थेसे पाङ्जि, ‘चु मि ङान्ला ग्योइ हिन्ना ।’
ङाइ पाङ्जि, ‘चु ग्योइ ङाला नोन ग्योइ हिन्ना । नेपालला छाङ्मान ग्योइ ह्याङ छाङ्मान नेपालीला ग्योइ हिन्ना ।’
दोःबा : ईश्वर थोकर
तपाईको प्रतिक्रिया दिनुहोस