ब्राङरि चिबा याखारगि प्राङ्बो मि आज्याना लासि नाजि ओम उद्दारकर्ताजुगुसे अस्पताल बोर्सि भर्ना लाजि । डाक्टरसे थेला मुतेबा ल्हुइथाङ जाँच लाजि ।
रिपोर्ट च्याजि मोक्कोन ज्याबान म्राङ्जि । नोइ पत्ता ल्हागाब आतामाहेन्से दोसि भिडियो एक्सरे लासिमाम च्याजि । थे म्हिला फोरि सुनामी ह्राङ्बा खिल्चिबा ख्रेन्बाला लोङ्खेप्पा लि म्राङ्जि ।
डाक्टरसे लोङ्सिकेन नाबातेन बिजि, ‘ओहो चुमि खतरनाक नोइ हिन्ना । चुनोन खतरनाक नोइला ङ्यान्दि एला नाछाल नाजुक मुला ।’
‘लुले डाक्टर साब योना क्योनपिन्तोजि ।’ नाबाम्हि चिन्तित तासि डाक्टरतेन विन्ति लाजि ।
डाक्टरसे ह्राङ्ला लिरि गम्भीर भाव स्होसि पाङ्जि, ‘माफ लास्ह्युगो ! चु खतरनाक नोइला क्योन्बा विधि ङान्ना आधुनिक चिकित्सा शास्त्ररि आरे ।’
थेलिच्छा थे नाबाम्हिदा क्योन्बारि आखाम्नि ओम सिजि ।
(छिगकि दोनः ख्रेन्बा– भोक, नाबा– बिरामी, ल्हुइथाङ– स्वास्थ्य, नोइ– रोग, खिल्चिबा– मडारिरहेको, लोङ्खेप्पा– डरलाग्दो, ङ्यान्दि– कारण, नाछाल– अवस्था, क्योन्बा– उपचार)
तपाईको प्रतिक्रिया दिनुहोस