पोखरा १९ बेल्बो । कोकोम्हेन्दो ग्योइकाइ समाज पोखराला ङ्योइसाङ ओसेम पोखरा महानगरपालिकाला डिछ्याबारि ‘तामाङ आमाग्योइ रचना डोबा थेन आदिवासी लोक ओसेम माउलिक रिमठिम विमर्श गेताङ २०८२’ नारेकुनु ताजि ।

गेताङ कास्की थुम नं. १ ला संघीय माननीय मनबहादुर गुरुङला ग्रेनडोन्बोरि ताबा मुबा । गेताङरि आदिवासी जनजाति अभियन्त पूर्ण लामा, आमाग्योइ ग्योइकाइब्रिखेन ङ्ही रुद्र सन्देश मगर थेन तेजबहादुर गुरुङसे आदिवासी लोक ओसेम माउलिक रिमठिमफिरि सेमताम थान्बा मुबा ।

गेताङरि तामाङ आमाग्योइरि ल्हानाग्योइ ग्योइकाइब्रिखेन माधव खतिवडासे व्हाइखा डोबा मुबा ।

गेताङरि चु दिङला एसइइ परीक्षारि ४ जीपीए बाबा नमोबुद्ध जम्बोलिङ तामाङ इकाइला दिमम्हे ह्रोम्हि अमित तामाङदा डेन लाबा मुबा ।

गेताङ गेन्दुनला चोहो दिपक तामाङला चोहोदानरि, न्होरचोहो अन्जना डुम्जनला डेन सेमताम थेन गाउराइ मिनमाया डुम्जनला संचालनरि ताबा मुबा ।

(छिगला अर्थः– ग्योइकाइ– साहित्य, डिछ्याबा– व्यवस्थापन, नारे– बिहीबार, थुम– क्षेत्र, सेमताम– मन्तव्य, ल्हानाग्योइ– बहुभाषिक, ह्रोम्हि– सदस्य, गेन्दुन– संस्था)