सिन्धुपाल्चोक ११ तापाग्रेन । लिसंखुपाखर गाउँपालिका–२, लिसंखु (ह्रिस्याङ्गो) रि मुबा छ्योइफेल कुन्देलिङ गोन्पा ह्रिस्याङ्गोसे साङ्गेला का मुबा छ्योइ ‘काङ्ग्युर’ छ्योइ डोबा थेन वाङ गेताङ स्हेङ्जि । ऐतिहासिक काङग्युर डोबा गेताङ तापाग्रेन ११ हेन्से १७ गते दोना म्हेन्दो ङ्हा च्युइसे ब्रे (५८) लामाजुगुसे छ्योइदा डोसि जिन्ना लाबा हिन्ना । १८ गते बिसाम छ्योइ साङ्गे ताबा मुबा ।

चुनोन दुइसाङरि क्याब्जे डुब्बोन लामा शेरप तेन्दर रिन्पोछेग्याम ‘ढाकर ल्हुक कोन्छ्योग च्यीदु’ ला नाम्थरलाछ्याम ‘वाङ’ नोन पिन्बा मुबा । गेताङरि गोन्पासे ह्रिस्याङ्गोला म्हेन्दो ङ्हा दोर्जे लोपेन थेन म्हेन्दो गि खेम्बोदा डेन लाबा मुबा । डेन याङ्बा लोपेनजुगुरि गुणाखम्सुम लामा (भल्वटी), थुप्तेन योन्जन तामाङ (भुस्कन), पद्मलाल लामा (भुस्कन), लुन्डुप दोर्जे लामा (म्हानेगाङ), धावा फुन्छोक लामा (छेर्मादोङ) थेन खेम्बो लामा लालध्वज (उर्गेन) (भुस्कन) मुला ।

गेताङ स्हेङ्बारि ङ्हा च्युइ तोङ (५०,०००) बिमा ल्हाना टाङ्गा ह्रो लाबा म्हेन्दो च्युइसे ब्लि म्हि थेन गोर सोम गेन्दुनदा नोन डेनस्यो पिन्सि डेन लाबा मुला ।  

गेताङरि पद्मा लामा–ह्रिस्याङ्गो ताज्यु, हरि बहादुर बल–चोहो छ्योर्तेन टासी तामाङ गुम्बा खास्योर याम्बु, कान्छी लामा–ह्रिस्याङ्गो गोन्बोगाङ, मदन मोक्तान लामा, बेँसीगाउँ याम्बु, सुर्यमाया लामा– ह्रिस्याङ्गो म्हानेगाङ, निरज लामा सिनामंगल याम्बु, टुकमान लामा–सहचोहो छ्योर्तेन टासी तामाङ गुम्बा खास्योर याम्बु, सिद्धिबज्र लामा–ह्रिस्याङ्गो छेर्मादोङ, क्याप्टेन पेम्बा शेर्पा÷फुलमाया सेर्पा–सोलुखुम्बु नाम्चे, चरिमाया लामा–यू.के., चन्द्रदीप लामा–खास्योर याम्बु, श्याम तामाङ–भल्वटी रामेछाप, बिक्रम लामा–दोलखा, तिर्थ तामाङ–दोलखादा डेन लाबा मुबा ।

गेन्दुनकादेरि निमा एण्ड नोर्गिन फाउण्डेसन–अमेरिका, ग्याबा थेत्माइ–ह्रिस्याङगो ग्याबाटोल थेन उर्गेन धोङाक छ्योइफेल छ्योर्तेन गोन्बा– ह्रिस्याङ्गो म्हानेगाङदा नोन डेनस्यो पिन्सि डेन लाबा मुबा । तोङ ङ्हा बिमा ल्हाना टाङ्गा थेन जिन्सि ह्रो लाबाजुगुदा थुजेछेस्यो पिन्बा मुबा ।

ह्रिस्याङगोरि काङ्ग्युर डोबा गेताङ चु बिमा ङ्हाच्छा वि.सं.२००२ सालरि डोबा गोन्पाला चोहो सिद्धिबज्र लामासे ग्रादाङ पिन्जि ।