याम्बु । मोक्तान डिजिटलसे ह्राङ्ला अफिसियल युट्युब च्यानालग्याम ‘ह्याङ्ला शान’ व्हाइला भिडियो बजाररि बाबा मुला ।
छार पुस्ताला तामाङजुगुदा ह्राङ्ला ग्योइ, ग्योइकाइ, रिमठिम, परम्परा सोना लासि थान्बारि छोर्ना लाबा दोन्तासे चु व्हाइला छिग धनराज लामासे ब्रिबा मुला ।
चर्चित काइपा फूलकुमार बम्जन, मार्मिक लामा, अस्मिता रुम्बा थेन रेश्मा बोम्जनसे कोबा चु व्हाइला ह्रोल्ज्याङ काइपा फूलकुमार बम्जनसे युबा मुला । व्हाइला एरेन्ज थेन मिक्सिङ अर्पण थिङसे लाबा मुला ।
व्हाइला भिडियोरि चर्चित मोडल अमिर दोङ, सचिता लोप्चन, बुद्धि बोम्जन, अम्बिका तामाङ, कुइसाङ रुम्बा, सुभी लोप्चन थेन लखन आले मगरसे अभिनय लाबा मुला । चु भिडियोला काठाक्बा प्रतीक ङेसुरसे लाबा मुला ।
(छिगकि दोनः दोन्ता– उद्देश्य, ह्रोल्ज्याङ– संगीत, काठाक्बा– निर्देशन)
तपाईको प्रतिक्रिया दिनुहोस