इजरायल । नेपाल तामाङ घेदुङ इजरायलसे मन्जुश्री सम्वत २८६२ ता ल्होला सोनाम ल्होछार १३ फेब्रुअरी २०२६ रि दाङ्सेला ग्रादाङ पिन्बा मुला । घेदुङला ग्रेनगाउराइ पारश घिसिङ तामाङला आन्सार इजरायल घेदुङसे चु ल्होछार ग्रेन रिमठिमकि गेताङ लाइभ कन्सर्ट स्हेङ्सि दाङ्गे लाबा हिन्ना ।

हगना १३५ (ज्बनबलब १३५) तेल अभिवरि नेपालला चर्चित कलाकार काइपा छेवाङ लामा थेन व्यान्डला छ्याम सोनाम ल्होछार सांगितीक ङ्यासे गेताङ तासेला मुला ।

स्थानिय कलाकारजुगुसे सुताइ गेताङरि बेजोड प्रस्तुती पिन्सेला घेदुङला चोहो कुमारी गल्देन तामाङसे पाङ्जि । सांगितिक गेताङदा सफल ताना लाबारि थेसे इजरायलरि मुबा मोक्कोन तामाङ ज्योज्योआले नानाआङा थेन स्यान्दो नेपालीकादेदा म्होइजेन लाबा मुला ।

घेदुङ इजरायलसे तामाङला धर्म, ग्योइ, गोइलो, हिगि, ज्योस्हेङ, ग्योइकाइ, रिमठिम थेन रिमठिमकि ख्युरछ्या थेन ल्हेछ्याला थुमरि सन् २०१० हेन्से गेलासि खाबा मुला ।

(छिगकि दोनः रिमठिमकि– सांस्कृतिक, ज्योस्हेङ– कला, ख्युरछ्या– संरक्षण, ल्हेछ्या– प्रबर्धन)