गोर्खा । नेपाली कांग्रेस पार्टीला भातृ संगठन  नेपाल तामाङ संघ, गोर्खाला चोहोरि गौरी तामाङ निर्विरोध निर्वाचित ताबा मुला । 
ड्वाफ्रे २७ गते ताबा गिक्छा जोम्नासे गौरी तामाङला चोहोदानरि ७ म्हेला जिल्ला कार्यसमिति स्होबा हिन्ना ।

नेपाल तामाङ संघ केन्द्रिय सचिवलय ह्रोम्हि बिलाम मोक्तानला ग्राआन्सार कार्यसमितिला ह्रोचोहोरि दलबहादुर तामाङ, गाउराइरि सुरोज तामाङ, छ्यागाउराइरि श्याम तामाङ मुला ।

कार्यसमितिला ह्रोम्हिकादेरि मिठु तामाङ, खम्बा तामाङ, गोरे तामाङ मुला बिसाम स्यान्दो ह्रोम्हिकादे ल्होलो साला थुमग्याम थान्सेला मुला ।

जोम्नासे प्रतिनिधिसभा थुम नम्बर १ ला चोहोरि दिलराज तामाङ, थुम नं. १ ला प्रदेश (ख)ला चोहोरि कुमार लामा तामाङ मुला ।

प्रतिनिधिसभा थुम नं. २ ला चोहोरि बुद्धि तामाङ, थुम नं. २ प्रदेश (क)ला चोहोरि पदमबहादुर तामाङ मुला ।

जोम्ना गान्बाम्हि बुद्धबहादुर तामाङला चोहोदानरि ताबा मुबा बिसाम ग्रेनडोन्बो जिल्ला सभापति ओसेम नेपाली कांग्रेस दलला सेचतक प्रदेश माननीय नन्दप्रसाद न्यौपाने मुबा ।

जोम्नाला विशेष डोन्बो गण्डकी प्रदेश माननीय पार्वती तामाङला छ्याम पार्टीला पदाधिकारीकादे मुबा । जोम्नारि जोङला तामाङकादेसे बोकिन्बा मुबा । 

(छिगला अर्थः ड्वाफ्रे– जेठ, स्हे– जना, छ्यागाउराइ– सहसचिव, ह्रोम्हि– सदस्य, गान्बाम्हि– जेष्ठ नागरिक)