ज्योज्योआले नानाआङा तामाङ ह्वाइ गोबारि
ह्याङ्ला ह्युलठिम ह्याङ्ला रिमठिम सोबारि ।
लोप्खाङ पुइगो आपाआमा नानाआङादा नोन
जा जामे च्योच्यो लादोला ग्रेनजा म्हि दोबारि ।
दात्तेला दुइरि नोन तिल्दा जा जामे बिसि फेचिबा
ब्याङगो एला म्लाङ सेम ज्योमो गाङह्राङ नोबारि ।
ङाला म्होइजेन न्यान्स्ह्युगो नानाआङा बेनासे
तिनि ह्यान्दे ब्राउ निगे लोप्खाङ ब्रिबा डोबारि ।
अत्तरपूर–५, सिन्धुपाल्चोक ।
तपाईको प्रतिक्रिया दिनुहोस