तामाङ जक्सन नाम्साला ङा छारिब्योन
सिङतान होइ आस्याङला ङा होइ कोन ।।
ङा खाबा छामे चिउ लासि
बौद्ध जात्राला निउ लासि
माकाइ घट्टरि स्याङ्सामि
बोर्बारि खालाइ छामे याङ्सामि ।।
खाइ नाम्साला होइ ए छामे
खाप्पाला मुग्याम आइ जामे
बोलि रि एला जादु चिम
केसाइ सेम ङाला ताङ्बा चिम
सिम्बुला लाथान साङ्गेला ने
चित्त रि निजि माइच्याङ ङादाम ए ।।
बामरिम पुइबा म्लाङ झोला
बोम्जन आप्पाला ङा कोला
सिङ्लामि क्याबासे कान काङ्जि
ए छामे म्राङ्माम सेम ताङ्जि ।।
माइच्याङ ङादेन निसामि
बोर्ला गाङ कु थासिमाम
सुख दुःख छ्याम नोन ल्हुइ
थाला रानी सोसि थान्न ङाइ ।।
ला–कोन्ज्यो चुङ्सी ग्रन चाला,
मायाला ग्यालाम छ्याम ब्राला,
कचिया हाड्सुला मिर मिरे धार
जाल माया लाबा चु ङाला रहर ।।
खानीखोला– ६, काभ्रे ।
तपाईको प्रतिक्रिया दिनुहोस