बार्खारि नामडुइ हामामि
ङा कोला थारेङ तामामि
क्य्रापक्य्राप ख्राप्पा तिङ्च्योदो
ओसो डान्सिका बामामि ।
फोइथान फोरि के खिसि
स्युदाइ सारि छे तिसि
क्राचिबा मुला ताला ङाला आमा
ङादा डान्सि सारिन प्लेक चिसि ।
म्हे ग्लाप हल थेन रा छाबान
सोदोर स्याउला दोङ थाबान
टु फ्याचिबा मुला ताला ङाला आपा
क्याम्साङ ब्लेरि ङादा च्याबान ।
गङदिला हापहोप सा म्हेमा
दिम मुला गाप्ता दि थेमा
पाङ्बारि आम्याङ फोनरि ताम
निबिसाइ थारेङ मुला ग्याम ।
थासि नितोला म्हाबार ल्हा
ब्ले म्राङ्मुला ग्यागार सा
चुदे ल्हाना सेम क्युङ्बा
एन्दाइ ताबा कि ङा याखारदा !
काभ्रे ।
तपाईको प्रतिक्रिया दिनुहोस