ह्याङ तामाङ मोक्कोन गिक्खे तादोला (३)
ह्याङ्ला ज्योस्हेङ, रिमठिम सोना लादोला (२)

खालाइदा दुख पर्दिमा च्यासि टिबा आहिन (३)
ह्राङ्लान म्हान्सि ह्रो लाबारि खादोला (२)

खाबा भावी पुस्ताला लागिरि बिलाइ नोन (३)
ए ङा डिक्सि फेल्गेबाला ब्लु ड्वादोला (२)

मोक्कोनदा ख्रेन्ला फोमि गि नोन हिन्ला (३)
छाक गि तालाइ मोक्कोनदा बो लासि चादोला (३)

सुख आखाबा मुला होत्लेन केवारि (३)
सुखला लागिरि दुःख लातोत नादोला (२)

बैरी नेला ज्योज्यो आले थिजि बिसाम (३)
बरु गिक्खे तासि बैरीदा नाङ फादोला (३)

मेलम्ची–९, चाम्खु, सिन्धुपाल्चोक ।

(छिगकि दोनः ज्योस्हेङ– कला, फेल्गेबा– विकास, रिमठिम– संस्कृति, केवा– जीवन, नाङ– बदला)