चु पाखण्डी चोहो ङादा खास ल्हाग आतिमुला
ग्याप्पा सेम पुइबाकादेला आस ल्हाग आतिमुला ।।
नाङ्बा प्लेबा लामा म्हासि निजि ह्युल्ला छाम
ह्युलठाबि चोहोला विश्वास ल्हाग आतिमुला ।।
तामसे सुशासनला झ्याली पुङ्मुला चुरि
भ्रष्टकादेता ह्युल न्होङ्बारि उदास ल्हाग आतिमुला ।।
ह्युलभक्तकादेता आमासा बिमा खेबा तिका मुला ?
ह्रिसि चाबा ह्रिबादा अवकाश ल्हाग आतिमुला ।।
गे म्हाइबारि कोर्सि ब्राचिमुला मुतेबा छारपुस्ता
छेला भररि चलतिबा पुँजीवाद निकास ल्हाग आतिमुला ।।
भ्रष्टाचाररी ब्लुम्जि ह्युलला उद्योगधन्दा चुङ्सिनाम
घुसरि ताङ्बा प्रशासकला मिजास ल्हाग आतिमुला ।।
काभ्रे ।
(छिगकि दोनः ग्याप्पा– दास, छाम– सीमाना)
तपाईको प्रतिक्रिया दिनुहोस