खबरदार ! 
तोङ्जाछा ह्युल्बासे का थेन ल्हुइ च्योल्सि ब्लिङ्बा
थे ग्लेखाङ, थे म्लाङगाइ ठिमरि बु जाङखाम्ला 
थामान्गो, 
दुर्सारि बोर्सि ख्राङ्सि मेफ्रा थेन गोसोल दोबा
डुडुइ, देसानदा दोसिन म्हि स्होला थामान्गो 
माङ बिबा माङनोन हिन्ना, म्हिदा आला ज्याबा 
खबरदार !
छार्बान लाबा गणतन्त्ररि बुलुङ टाम्जि बिदेमा
चाबारि खाम्सेला आरे थेसे दोङ्बोला टा गुलिङ
खारे च्यार्सि प्यारप्युर लासेला मुला थे बुलुङ
चु ह्याङ्ला गणतन्त्र, धर्मनिरपेक्ष ह्युल, समानुपातिक समावेशीता, 
खानाङ्ला थे निरंकुश ठिम, वंशवादी ग्लेखाङ ? 
खबरदार ! 
थलाउ गिक्खे धर्म, हिन्दु राज्य स्होबाला ताम  
सांगे केवा ह्युल चु, स्होउ बौद्ध राज्य स्होबान हिन्साम
धर्मनिरपेक्ष लिब्रोकादे, गणतन्त्र लिब्रोकादे 
खबरदार ! 
खारे गाक गाक थालाउ
लिसो लासि थाप्राउ !!