सरकार,
ङाइ एदा तिगाइ पाङ्तोबा मुला
तासाइ एसे ङ्यान्नोन आङ्यान
तिल्दाबिसाम,
एसेम जेक्खे कुर्सी च्याला
ह्युल्बाला लि आहिन ।
सरकार,
ङा थे छारिब्योन हिन्ना
ह्युलरि चिसि ह्युलला लागि सोबा सेम मुबा
तासाइ एन्छे ह्युलरि आशा नोन लेङ्ना आलानि
ङान्दा बिजि, ‘फिरग्यापह्युल निसि छागो, रेमिट्यान्स पुइगाउ’
तासाइ एन्छे खाइमाइ आम्राङ्नि
फिरग्यापह्युलरि टुतेन मिख्लि नोन ताइला बिसि
ङानि म्हाङ रासि जेक्खे मेहनत आला
खानाङए छेन्दे दोसि फ्लिकदोसि खाला कि बिसि लोङ्सि
सेम न्हाङरिन ब्ला म्हाला ।
सरकार,
एसे ङान्दा फिरग्यापह्युलरि गे लाबा गेनाम बिला
तासाइ ङानि नेपाली नागरिक नोन हिन्ना
ङान्ना म्हाङकादेदा एन्छे आतोबास्हे ह्राङ ब्याङ्जि
थेतासि,
ङाचा दारे कर नोन आफा
तिल्दाबिसाम ङादा याङ्ताम नोन आपिन्नि
दारे भोट नोन आपिन
तिल्दाबिसाम ङाला म्हाङला साइ एन्छे
बारम्बार डुङ्जि ।
टोकियो, जापान ।
(छिगला अर्थः छाबा– कमाउनु, गेनाम– कामदार, याङ्ताम– हक/अधिकार, साइ– मूल्य)
दोःबा : यकिना अगाध
तपाईको प्रतिक्रिया दिनुहोस