दुइ थेन परिस्थिति कादेन आज्याबा तागाइ
ह्राङरि ज्याबा सोच, धैयता थेन विवेक थानस्ह्युगो ।
सातान लाबा लुङ्सुर जेक्खे आहा 
नाम जेक्खेन आताइ
दिनि जेक्खेन फेआचि
क्योङ्लान छ्योल्बा हिन्ना केवा ।
थेतासि...
सातान ज्याबा ताला बिबा नोन आरे
आज्याबा जेक्खे ताचिला बिबा नोन आरे
ज्याबा तामा ताङ्बारि ख्लागो
आज्याबा तामा ल्हानान दुखी आतास्हिगो ।
दुइ पोबा मुला
चुह्राङ्लासिन परिवेश थेन परिस्थितिकादे नोन पोचिला
स्याप्बाजुगु पोबारि खाम्ला
पोबाजुगु ख्योबारि खाम्ला
फेबाकादे तोमा दोसि नोन स्याप्बारि खाम्ला
ङोआसेबा नोन ङामरि ताबारि खाम्ला
खालाइसे म्लेआखाम्बा डान्बाकादे ख्लासि निबारि खाम्ला ।
तिगा लास्ह्युला
थेरि ताङ्बारि आम्लेस्ह्युगो
केवाम खात्दामान लासि निला ।
तासाइ...
सोबारि आम्लेस्ह्युगो
चु मेतबा लोप्बा थेन नाबाला लिरि
सहर्ष किन्बारि खाम्बा क्षमता हिन्ना 
धैर्यता हिन्ना
परिपक्वता हिन्ना ।

(छिगलाः अर्थः पोबा– परिवर्तन, ख्योबा– तर्किनु, नाबा– भोग्नु)

दोःबा : यकिना अगाध