रमाइलो मुला केवा
ताङ्बा सेबारि लेङ्बा मुला केवासे ।
आपा आमासे ङादा खाइमाइ
आपिन्नि स्हु केवारि ।
ह्राङ्ला सन्तानदा बिसि
खाइमादाम्मान पिन्जि सुख केवारि ।
डोसि ब्रिसि ग्रेन म्हि
स्होबारि लेङ्बा मुला ङाला केवा ।
म्हेन्दोला पुपु केवा
सार्ना लातोबा मुला ङाला केवा ।
केवादा तोर ताना लातोबा
लेङ्बा मुला केवा ।
ताङ्सि स्याबारि लेङ्बा मुला
ङाला चु केवा ।
रमाइलो मुला केवा
ताङ्बा सेबारि लेङ्बा मुला केवासे।
जुगल गाउँपालिका किल्चे, सिन्धुपाल्चोक ।
(छिगला अर्थः स्हु– दुःख, केवा– जीन्दगी, ताङ्बा– खुशी, लेङ्बा– बाँकी, खाइमादाम्मान– जहिल्यै/सधैं, डोसि– पढेर, पुपु– कोपिला, सार्ना लातोबा– फुलाउनु छ)
तपाईको प्रतिक्रिया दिनुहोस