जापान । निबा २५ जुलाइ २०२५ रि जापानला चिबा केनला माचुदो स्योङरि डोङ्बा नाछालरि स्याप्बा काभ्रेपलान्चोक जोङ चौंरीदेउराली गाउँपालिका वडा नं. ८ विर्तादेउराली, भोलुङला प्रवीण थापाला जापानरिन पुर्ज्याङ्बा मुला ।

चौंरीदेउराली सम्पर्क दाछोक, जापानला चोहो पेमा लामा वाइबाला आन्सार प्रेमबहादुर थापा थेन अम्बिका खरेल थापाला २७ दिङ्ला कोला प्रवीण थापा जापानरि डोचिबा मुबा ।

चौंरीदेउराली सम्पर्क दाछोक जापानला नेतृत्वरि ओसेम नेपाली गेदुङ–गेन्दुनजुगुसे बोकिन्सि थापाला जापानरिन पुर्ज्याङ्बा हिन्ना । 
पुर्ज्याङ्बारि चोहो लामासे थापाला डोङ्बासे चौंरीदेउराली दाछोक स्तब्ध थेन दुःरि पर्तिबा बिसि पाङ्जि ।

‘डोबा थेन लिउला सेरल्हाम म्हाङ थोसि छ्युलिङ ङिस क्याम्साङ थारेङला ह्युल जापानदोना दोबा प्रवीण थापाला केवा चोदे योनान नुप्बा आउदिन मर्मस्पर्शी थेन स्हेरबा ताम हिन्ना।’ चोहो लामासे बिजि, ‘दारेम खाबा रेरि चुह्राङ्बा घटना आतागाइ बिसि ङान्छे सचेतनामुलक गेताङ तिसेला मुला।’

चोहो लामासे कल्पना आलाबा दुइरि डोङ्बा थापाफिरि श्रद्धान्जली फुल्सि दुरि परतिबा दिमथेमेदा दाछोकला तर्फग्याम समवेदना व्यक्त लाबा मुला । छ्यामरि, चुह्राङ्बा दुइरि जापानरि मुबा चौंरीदेउरालीबासे उन्बा ऐक्यबद्धता थेन ह्रोला लागि आभार प्रकट लाबा मुला ।

छिकदोन : 

डोङ्बा– मृत्युभएको, दाछोक– समाज, पुर्ज्याङ्बा– अन्त्येष्टि, नाछाल– अवस्था, जोङ– जिल्ला, डोचिबा– अध्यणरत, जोम्बा– सभा, दुः– शोक, गेदुङ/गेन्दुन– संघ/संस्था, लिउ– भविष्य, सेरल्हाम– सुनौलोयात्रा, छ्युलिङ– समुन्द्र, ङिस– सात, केवा– जीवन, नुप्बा– अस्ताउनु, स्हेर्बा– पीडादायी