जापान । नेपाल तामाङ समाज जापान किताकान्तो क्षेत्रीय दाछोकसे ‘डम्फु साँझ २०२५’ गेताङ स्हेङ्बा मुला । गेताङ ११ अक्टोबर २०२५ रि तोचिगी केनला द हिमालयना करी हाउस एण्ड बाररि ताबा हिन्ना ।

गेताङ समाजला ख्युरछ्यापा कुलमान लामाला ग्रेनडोन्बोरि ताबा मुबा । गेताङ्ला डोन्बोछेनरि नेपालग्याम दोबा व्हाइब्रिखेन ओसेम नेपाल प्रहरीला ङ्हाच्छाला अतिरिक्त महानिरीक्षक टेकबहादुर तामाङ, शेर्पा गेदुङ जापानला चोहो सोनाम लामा मुबा ।

गेताङरि गुन्मा केनला गेदुङ–गेन्दुनला चोहोजुगु, गोछापजुगु, स्योमिजुगु, छोङ्नापाजुगुसे बोकिन्बा मुबा ।

गेताङ सफल ताना लाबारि भुमिका क्लाङ्बा गेन्दुनला गोछापाजुगु, गेताङ थुछापाजुगु, पदाधिकारी थेन ह्रोमिजुगुदा नेपाल तामाङ समाज जापानसे थुजेछे फुल्बा मुला । 

(छिगकि दोनः दाछोक– समिति, ख्युरछ्यापा– संरक्षक, गेदुङ– संघ, गेन्दुन– संस्था, ह्रोमि– सदस्य, गोछापा– प्रतिनिधि, थुछापा– संयोजक)