याम्बु । नेपाल आदिवासी जनजाति गेन्दुनछेन क्यालिफोर्निया अमेरिकाला चोहोरि कुमार दोङदा दाम्बा मुला । अक्टोबर २६ तारिख कुनु तामाङ को–अपरेसन सोसाईटी अफ क्यालिफोर्नियाला गेदिमरि ताबा ब्लिछा जोम्नाछेनसे दोङला चोहोदानरि च्युइगिकसे म्हेन्दोसोम ह्रोमिला छार गेदाछोक स्होबा हिन्ना ।

स्यानचोहोरि ताराहाङ नेम्वाङ थेन ग्रेनगाउराइरि ज्ञानकाजी तामाङदा दाम्बा मुला ।

ह्रोमिकादेरि नरेन तामाङ थेन हरिष चन्द्र लिम्बुदा दाम्बा मुला बिसाम स्यान्दो ह्रोमिरि जातीय गेन्दुनला प्रतिनिधित्व ताना लासि लिच्छा दाम्सेला मुला ।  

आदिवासी जनजातिकादेला याङ्ताम, ग्योइ, रिमठिम सोना लाबारि बिसि सन् २०११ रि ठोङ्बा गेन्दुनछेनरि दात्ते तामाङ को–अपरेसन सोसाईटी अफ क्यालिफोर्निया, नर्थदेन क्यालिफोर्निया तमु समाज, मगर सोसाईटी अफ नर्थदेन क्यालिफोर्निया, क्यालिफोर्निया शेर्पा एसोसियसन, नेवा अर्गनाईजेसन अफ अमेरिका नर्थदेन क्यालिफोर्निया, किराँत याक्थुम चुम्लुङ क्यालिफोर्निया थेन युनाईटेड किराँत राई अर्गनाईजेसन अफ क्यालिफोर्निया लासि गोरङिस गेन्दुन आवद्ध मुला ।

(छिगकि दोनः गेन्दुनछेन– महासंघ, गेदाछोक– कार्यसमिति, ह्रोमि– सदस्य, स्यानचोहो– उपाध्यक्ष)