याम्बु १२ तापा । छ्योर्तेन टासि तामाङ गुम्बाला च्युइसे गिक्छा दिङ्साङ साधारणसभा थुम्बा मुला ।

तापा १२ गते गुम्बाला जोम्बा हल बौद्ध नयाँ बस्तीरि गोकर्णेश्वर नगरपालिकाला मेयर दिपककुमार रिसालला ग्रेनडोन्बोरि गेताङ ताबा हिन्ना ।

गुम्बाला ख्युरछ्यापा टुल्कु लोप्साङ नाम्गेल रिन्पोछेग्याम छ्योइमे म्रासि लामा थेन खान्डोमा म्हानिपा आमा छोक्बाग्याम टासिगेपा डोबान ठोङस्हेङ ताबा मुबा । गेताङरि गुम्बाला ग्रेनगाउराइ हिराबहादुर लामासे प्रगति प्रतिवेदन, न्होरचोहो सरस्वती लामासे न्होरकि प्रतिवेदन थेन चोहो हरिबहादुर बलसे दिङ्कि कार्ययोजना प्रस्तुत लाबा मुबा ।

गेताङरि थे बिमा ङ्हाच्छा गे्रनडोन्बो गोकर्णेश्वर नगरपालिकाला मेयर दिपक कुमार रिसाल, डोन्बोछेन गोकर्णेश्वर नगरपालिकाला उप–मेयर सान्नानी लामा, गुम्बाला  ख्युरछ्यापा टुल्कु लोप्साङ नाम्गेल रिन्पोछे, बौद्धनाथ थुम फेल्गेबा दाछोकला चोहो राजकुमार लामा, नमोबुद्ध नगरपालिका काभ्रेला नगर ग्रेन्पो कुन्साङ लामा, ग्रोइपा मानबहादुर योन्जनतेन स्यान्दोकादेसे ज्याबाम्हान्बा सेमताम थान्बा मुबा ।

(छिगकि दोनः ख्युरछ्यापा– संरक्षक, छोक्बा– समूह, न्होरकि– आर्थिक, दिङ्कि– वार्षिक, डोन्बोछेन– विशष अतिथि, फेल्गेबा– विकास, दाछोक– समिति, ग्रेन्पो– प्रमुख)