याम्बु । काबो ग्याङसे ‘पैसा वाला ब्योन‘ व्हाइला अडियो शैलाप वाईबाला युट्युब च्यानालग्याम बजाररि बाबा मुला । चु व्हाइला छिग थेन ह्रोल्ज्याङ शैलाप वाईबाला मुला बिसाम व्हाइदा काइपा तुलसिङ लोप्चन थेन मनमाया वाईबासे कोबा मुला । व्हाइला एरेन्ज पवन वाईबासे लाबा मुला ।

चु म्हेन्दोमाया नेपालला न्हुप थुमरि विशेष लासि त्रिशुली स्योङ क्याम्साङ, गणेश ज्योमोगाङ (ल्हप्सङकर्पो थुम) ख्यारख्युर चिबा तामाङजुगुसे कोबा भाका हिन्ना ।

काइपा तुलसिङ लोप्चन न्हुपला तामाङ समुदायरि प्रचलित म्हेन्दोमाया माने दोरा, साइकोले, स्याब्रु ह्राङ्बा व्हाइदा छार्ना सार्ना लातोला बिसिमाम थुमरि गे लासिमाम खाबा कलाकार हिन्ना । व्हाइ चेगाइ थुमरि ब्रिबा थेन कोबाला मुला ।

म्हेन्दोमाया समाज कतारला चोहो गुर्ब तामाङसे चु व्हाइ मोक्कोन मेन्दोमाया चेमो चेबोला न्हाब्याङरि होङ्गाइ बिसिमाम ज्याबाम्हान्बा पिन्बा मुला ।

(छिगकि दोनः ह्रोल्ज्याङ– संगीत, चेबो– प्रेमी, चेमो– प्रेमिका ।)