ङान्ना चेमो आङि
सातान ङान्दा चेगाइ लास्ह्युबा मुबा,
छोन्बो मुमा ओत्ते चेगाइमि खालाइसे आलामुबा
चु जाम्बुलिङरि।
सातान ङेचिबा, सातान ताङ्बा
ङा ह्राङ्ला तान्बा
तासाइ ङाइ न्हा तिगाइ पिन्बारि खाम्ला ह्राङ्दा
जेक्खे ह्राङ्ला डान्बा थेन चु छिड बिमा
चाबास्हे जुबा ह्रोला बानी कात्ते ज्याबा !
ह्राङ्से दुइदा डाबारि आखाम्ना
बु ब्याङ्स्ह्युजि
तिगाइ बितोबाम आरे कोन्ज्योतन
केमा हेन्से सितोबा चिम,
ब्रान्स्ह्युगो ! ङान्छे ह्राङ्ला चेगाइदा
खाइमाइ म्लेसेला आरे
ह्राङ छोन्बो ला मुस्ह्युला
जेक्खे ङान्ना लागि
चेमो आङि ह्राङ ।
ह्राङ्ला बयान
तोङजा ल्हे मुबासेम लाखाम
ङामि म्हि ताजि,
सातान लानि दोसि फेगो स्वर्गरि
ङान्ना मोलाम
ङान्ताइ मोलम पिन्स्ह्युगो
चेमो आङि ।
चेगाइ, दया, करुना लोपपिन्स्ह्युजि
लोभ, बोमो घृणा ब्याङ्बारि लोपपिन्स्ह्युजि
ह्राङ्ला महिमा बयान लासि लाखाम
न्हा खालाइ मुबा ह्राङ ह्राङ्बा
न्हा खालाइ तासेला मुला
खालाइ म्हिला लिसे
ह्राङ्ला आडुप्बा डुब्ना लाआखाम
ङान्ना चेमो आङि ।
पुरानो नैकाप १३, काठमाडौं ।
(छिगकि दोनः चेमो– प्यारी, तान्बा– सन्तान, जुबा– बाँड्ने, बु– प्राण)
दोःबा : यकिना अगाध
तपाईको प्रतिक्रिया दिनुहोस