गिक्खे फ्युक्पो थेन गिक्खे प्राङ्बो नाम्साला न्हानरि चिसि ताम लाचिमुबा।
‘एदा ङाइ सिका बोकाग पिन्जि बिसाम एसे ङादा फ्या लाला ?’ फ्युक्पोसे प्राङ्बोदा ङ्योइजि।
‘चुमि तरिका नोन आतानि म्हाले, पाजि सिका बोकालला लागि नोन ङाइ एदा फ्या लाला ?’ प्राङ्बोसे पाङ्जि।
‘ङाइ एदा ङाला गाङ्साल सम्पति पिन्जि बिसाम नि ?’ फ्युक्पोसे दोसि ङ्योइजि।
‘गाङ्साल सम्पति याङ्माहेन्छेम ङाए नोन एतेन च्योच्यो ताला, आसेम ङाइ एदा तिल्दा फ्या लासे ?’ प्राङ्बोसे निसाल पिन्जि।
‘ङाइ ङाला मुतेबान सम्पति पिन्जि बिसाम चा फ्या लाला ओम ?’ फ्युक्पो मुसुक्क ङेसि ङ्योइजि।
प्राङ्बो गम्भिर तासि निसाल पिन्जि, ‘एला मुतेबान सम्पति याङ्जि बिसाम ङा एला ग्लारि तासेला मुला, ए ङाला ग्लारि तासेला मुला। थेदुइरि नोन एदा फ्या लाबारि जरुरत तासेला आरे।’
(चिनिया साराप, दोबाः यकिना अगाध)
तपाईको प्रतिक्रिया दिनुहोस