‘क्वाइ थेन सम्बन्ध, आस्था थेन विश्वास बोबा सेम मुला ।’ तावामसे ङ्याम्बा काइरि उजुरी फुल्जि । स्यान्दो जनावर कुटिसि चिजि ।

‘चुरि ल्हुन्दि ह्रेम्बोरछे आम्राङ्नि । थेतेन नोन कजिंगाल ताला दोसि आहिन ?’ सिंह ग्लेसे ह्राङ चिबा ग्ला ग्याम ङ्योइजि । ग्यार्जा गिक प्रतिशत शंका ल्हुन्दि फिरिन मुबा ।

‘हिन्ना ह्रेम्बोरछे ! थेलान जेबा जेबा धोकाकादेग्याम फार्से ताम्याङ्बा सेम मुला ।’ तावामसे दोसिन फ्यास्हिङ लाजि ।

‘ङ्हाच्छारि डोङ्जिन्बा आखे–म्हेमे ग्योइला क्युइरि म्राङ्ला बिजि । च्याबारि निमा कुनिग्याम आङ्पिन्जि । मुश्किलसे सोसिमाम खाजि आहिन ? चुपाल्छेचा तिगा बित्याँस ताना लाजि ?’ सिंहसे ल्हानान बोमो खासि ङ्योइजि ।

या थुइसिकेन थेसे पाङ्जि, ‘लेङ बिसिमाम मुतेबा रे गोर सोम सोम तार्ङा याखारगि कुरग्याम बासिमाम पिन्मुबा । ङाला चिया लाजिम । ल्हानान रे छ्योसेला तार्ङा तिरेरिन थुमबेना लाजिम ।’

म्राङरे स्योम्सिकेनि सिंहसे स्पष्टिकरण पिन्जि, ‘म्हिला नेतृत्व वर्गरि मुबा गुण चुनिकादेरि नोन हावी मुला बिसिमाम ङ्हाच्छान कादे रेम पाङ्जिन्जि ङाइ !’

गैरीबास, कालेबुङ ।

(छिगला अर्थः क्वाइ– साइनोन, फुल्बा– चढाउनु, ह्रेम्बोरछे– महाशय)

दोःबा : यकिना अगाध