याम्बु । नेपाल तामाङ घेदुङ, रोमानियारि जुलाई १३ तारेखकुनु ताबा छेजोमसे फुर्साङ लामाला चोहोदानरि छार कार्यसमिति स्होबा मुला । ग्रेनगाउराइ सम्झना लामाला आन्सार छेजोम दिनिरे रोमानियाला बुचारेस्ट शहरला द अदित किचेनरि ताबा मुबा ।

छार कार्यसमितिला वरिष्ठ स्यानचोहोरि मोहन ब्लोन, जामेकोला स्यानचोहोरि सारा लामा (सरस्वती), ग्रेनगाउराइरि सम्झना लामा, गाउराइरि विकेश ब्लोन, छ्यागाउराइरि थर्चिन मोक्तान, न्होरचोहोरि संगम लामा, छ्यान्होरचोहोरि मीना स्याङ्तान मुला ।

छार कार्यसमितिला प्रवक्तारि मानबहादुर तामाङ ब्लोन मुला । विभागीय ग्रेन्पोकादेरि लामा ग्रेन्पो– छ्योगेल लामा, सांस्कृतिक ओसेम कलाकार विभाग ग्रेन्पो– समिन मोक्तान, छारिब्योन विभाग ग्रेन्पो– पेमा लामा, यान्पाङ ओसेम प्रचार प्रसार विभाग ग्रेन्पो डिबी लामा तामाङ, छ्योङक्लाङ विभाग ग्रेन्पो होमबहादुर तामाङ मुला ।

छार कार्यसमितिला सक्रिय ह्रोम्हिकादेरि आइत तामाङ, सबिन तामाङ, भुवन तामाङ, सालिक राम तामाङ, सन्तोष मोक्तान, सम्बेश लामा, लक्ष्मी लामा, बिनोद बल, भुक्त तामाङ, रंजित तामाङ, शुसन ब्लोन, मीना घिसिङ, रोमी मोक्तान, अन्जु तामाङ, अलिना तामाङ, दीपक योञ्जन, गणेश लामा, टेक बहादुर तामाङ, विवेक तामाङ, अमृत पाख्रिन, भुजुङ लामा, कुमारी डिमडुङ, लक्षुमान तामाङ, मान बहादुर स्याङतान, सीमा तामाङ, दोर्जे तामाङ, आशिष तामाङ, एलिना तामाङ, इश्वोरसिँ तामाङ, श्याम  तामाङ, कृष्ण तामाङ मुला ।

चुह्राङ्नोन लासि ह्रोम्हिकादेरि कुन्साङ तामाङ, राजन तामाङ, जित बहादुर घलान तामाङ, रिकेश लामा, टुकु मान लामा, मन कुमारी तामाङ, मेलिना तामाङ, लाखी तामाङ, पुष्पा तामाङ, बिमला लामा, प्रमिला तामाङ, नविना थोकर घलान, शुरेश तामाङ, बिरे तामाङ, पासाङ्ग थोकर, संदेश मोक्तान, सुमनसिँ तामाङ मुला ।

छार कार्यसमितिला ग्रेन्पो ग्रोइपारि लामा मिग्मार ड्राक्पो रेप्पा, वरिष्ठ ग्रोइपारि सुरेन्द्र लामा, ग्रोइपारि बुदुमाया तामाङ मुला । 

छेजोम घेदुङला चोहो फुर्साङ लामाला थुछाप्बारि थेन स्यानह्युल तामाङ परिषद्ला जामेकोला गाउराइ ओसेम नेपाल तामाङ घेदुङ रोमानियाला स्यानचोहो बुदुमाया तामाङला ग्रेन्पोडोन्बोरि ताबा मुबा ।

गेताङ घेदुङला ग्रेनगाउराइ सम्झना लामा थेन गाउराइ विकेश ब्लोनसे संचालन लाबा मुबा । गेताङरि डेन सेमताम गाउराइ विवके ब्लोन थेन लक्ष्मी लामासे थान्बा मुबा ।

छेजोम चोहो फुर्साङ लामा, वरिठ स्यानचोहो मोहन ब्लोन, वरिष्ठ ग्रोइपा सुरेन्द्र लामा, ग्रोइपा सुरेश तामाङसे छ्युमि म्रासि ठ्वाङ्सेन लाबा मुबा ।

गेताङरि मान तामाङ, डिबी तामाङ, भुक्ता तामाङ, मोहन ब्लोन, सुरेन्द्र लामा, बुदुमाया तामाङसे ह्राङ्ह्राङ्ला सेमताम थान्बा मुबा । 

गेन्दुन स्हेङ्बा दुइहेन्से दातेदोनाला गेन्दुनला क्योइका प्रतिवेदन चोहो फुर्साङ लामासे थान्बा मुबा । थेलिच्छा कार्यसमिति विघटन ताबा घोषणा लाबा मुबा । विघटन लिच्छाला बन्दसत्र ग्याम दातेला छार कार्यसमिति स्होबा हिन्ना ।

‘फिरग्याप ह्युलरि ग्योइ, धर्म, रिमठिम, ग्युइलला ख्युरछ्या, नेपाल तामाङ घेदुङ रोमानियाला अभियान’ला नारा थोसि नेपाल तामाङ घेदुङ रोमानिया सन् २०२३ जनवरीला १ तारेखकुनु स्हेङ्बा हिन्ना ।

(छिगला अर्थः छेजोम– अधिवेशन, दिनिरे– आईतबार, स्यानचोहो– उपाध्यक्ष, छ्यागाउराइ– सहसचिव,  ग्रेन्पो– प्रमुख, छारिब्योन– युवा, यान्पाङ– संचार, ह्रोम्हि– सदस्य, ग्रोइपा– सल्लाहकार, ग्युइल– कला, ख्युरछ्या– संरक्षण, थुछाप्बा– संयोजकत्व, स्ह्यानह्युल– अन्तर्राष्ट्रिय, गेन्दुन– संस्था, क्योइका– मुल्याङ्कन)