याम्बु १३ गोने । ‘माया प्रिती’ला म्युजिक भिडियो साम्तेन मोक्तानला युट्युब च्यानालग्याम सार्वजनिक ताबा मुला ।

व्हाइब्रिखेन साम्तेन मोक्तानला चु छार भिडियो तिनि ४ ङ्ह्यामाहेन्से साम्तेन मोक्तानला अफिसियल युट्युब च्यानालग्याम बजाररि सार्वजनिक ताबा हिन्ना ।

तामाङ सेलोरि मुबा चु भिडियोला व्हाइ काइपा बिरु घलान थेन काइमो सुमिना लोसे कोबा मुला । व्हाइला छिग थेन ह्रोल्ज्याङ व्हाइब्रिखेन साम्तेन मोक्तानला मुला ।

व्हाइला एरेन्ज थेन मिक्सिङ सानुबाबुु घिसिङसे लाबा मुला । भिडियोला कोरियोग्राफी थेन काठाक्बा लाक्पा दोर्जे तामाङसे लाबा मुला ।

भिडियो मेहनत लासि स्होबा मुला । आशिस लामा, सन्जना गुरुङ, श्याम थिङला अभिनय आउदिन ज्याबा मुला । स्यान्दो कलाकारकादेसे नोन ह्राङ्ला भुमिकादा सशक्त स्होबा मुला ।

चु म्युजिक भिडियो ह्राङ्निसे स्हिस्ह्युजि बिसाम सेम छुसेला मुला ।

(छिगला दाेन : मिरे– मंगलबार, ह्रोल्ज्याङ– संगीत, काठाक्बा– निर्देशन)