युएई । तामाङ समाज युएईला ११ छा एकता छेजोमसे दिनिरे भव्यताला छ्याम थुम्बा मुला । तामाङ समाज युएईला एकता ओसेम ११ छा छेजोम निर्वाचन राम मोक्तानला थुछापा थेन सनिल घिसिङ, जिन्तेन्द्र तामाङला ह्रोमिरि ताबा मुबा ।  

छेजोमसे सुरेन तामाङला चोहोदानरि वरिष्ठ स्यानचोहो नविन दोङ, स्यानचोहोजुगु बुद्धबहादुर तामाङ, सीता ग्याबक तामाङदा दाम्बा मुला ।

ग्रेनगाउराइरि सविन मोक्तान, गाउराइरि काजल तामाङ, न्होरचोहोरि शिव तामाङ दाम्बा मुला ।

ज्योस्हेङ ओसेम रिमठिम गाउराइ सन्दिप लामा, प्रवक्ता मनिका तामाङ, छारिब्योन ओसेम क्लाङ्छ्योङ गाउराइ विकास थिङ, जामेकोला विभाग ग्रेन्पो पूर्णिमा घिसिङ दाम्बा मुला ।

ह्रोमिजुगुरि नोर्बु थिङ, अनिस योञ्जन, श्रवणकुमार दोङ, जीवन योन्जन, सुष्मा तामाङ, जीवन गोले तामाङ दाम्बा मुला ।

तामाङ समाज युएईला एकता ओसेम ११ छा छेजोम, क्षेत्रीय दाछोकला छेजोमजुगु थुम्ना लाबारि विशेष भुमिका क्लाङ्बाजुगुदा समाजसे थुजेछे फुल्बा मुला । छेजोम सफल ताना लाबारि समाज यूएईला स्हेङ्खेन चोहो छत्र लामा, न्होरचोहो राम मोक्तान, ख्युरछ्यापाजुगु महेश मोक्तान, सनिल घिसिङ, जीतेन्द्र तामाङ, सुरेन्द्र थिङ, ग्रोइपाजुगु दीपक मोक्तान, मान योञ्जन, शम्भु लामासे ज्याबा भुमिका क्लाङ्बा मुबा ।

चुह्राङ्नोन लासि १० छा छेजोमला चोहो भीम दोङ, एकीकृत दाछोकला चोहो डिल्लीराम तामाङ, गाउराइजुगु बुद्धबहादुर तामाङ, सविन मोक्तान, ह्रोमिजुगु हरि मोक्तान, नविन दोङ, सुरेन पाख्रिन, प्रताप सिं लामा, शिव तामाङ, रस अल खेमा क्षेत्रीय दाछोकला चोहो भीम गोले, सार्जाह आजमान क्षेत्रीय दाछोक चोहो राकेश लामासे ज्याबा भुमिका क्लाङ्बा मुबा ।

चुह्राङ्नोन लासि दुबई क्षेत्रीय दाछोक चोहो मिलन लामा, अलएन क्षेत्रीय दाछोक चोहो प्रमोद मोक्तान, आबुधाबी क्षेत्रीय दाछोक चोहो लवाङदोर्जे दोङसे ज्याबा भुमिका क्लाङ्बा मुला ।

(छिगकि दोनः छेजोम– अधिवेशन, गेदाछोक– कार्यसमिति, दाछोक– समिति, थुछापा– संयोजक, ह्रोमि– सदस्य, स्यानचोहो– उपाध्यक्ष, ज्योस्हेङ– कला, क्लाङ्छ्योङ– खेलकुद, ग्रेन्पो– प्रमुख, स्हेङ्खेन– संस्थापक, ख्युरछ्यापा– संरक्षक, ग्रोइपा– सल्लाहकार)