याम्बु । नेपाल ललितकला प्रज्ञा–प्रतिष्ठानसे स्हेङ्बा ‘ग्याल्साङ साज्योस्हेङ, परम्परागत आङ्सिज्योस्हेङ ओसेम शिल्प–छ्याज्योस्हेङ जोम्नाछेन २०८२’ थुम्बा मुला ।

यान्दे १८ कुनु थुम्बा गेताङरि कुलपति नारदमणि हार्तम्छालीसे ल्हानान बौद्धिक विमर्श ताबा पाङ्जि । उपकुलपति लालकाजी लामाले जोम्नाछेनरि ग्याल्साङ साज्योस्हेङ, परम्परागत आङ्सिज्योस्हेङ ओसेम शिल्प–छ्याज्योस्हेङ जोम्नाछेन नुररि काठुइ ताबा पाङ्जि ।

थेराङनोनलासि ह्रोमिगाउराइ देवेन्द्रकुमार काफ्ले ‘थुम्केली’से ज्योस्हेङ बिबा जाम्बुलिङ ताबा पाङ्जि । जोम्नाछेनरि  उत्साहजनक स्ह्रुगरि गोेर्निस नोन प्रदेशला कलाकारकादेसे गोछापामूलक बोकिन्बा पाङ्जि । परम्परागत आङ्सिज्योस्हिङ विभाग ग्रेन्पो पाल्साङ्मो लामासे बिसाम जोम्नाछेनदा दुइसाङ्ला स्ह्रुगरि किन्दोबा पाङ्जि ।

गेताङरि नूतनधर शर्मासे ‘नेवाः शैव–ग्याम आङ्सिज्योस्हिङ’, मिङ्मा लामासे  ‘परम्परागत थाङ्का आङ्सिज्योस्हिङ ओसेम चुला काक्ता थेन चुतौति’ नुररि गेस्यो प्रस्तुत लाबा मुबा ।

गेस्योथोरि नरेश शाक्य थेन बुद्ध छिरिङ मोक्तानसे टिप्पणी लामुबा । थेराङनोनलासि गेताङरि होमबहादुर घिसिङसे ‘परम्परागत थाङ्का ज्योस्हेङ’ ला नुुररि प्रस्तुति थान्बा मुबा बिसाम छोक्बागत परम्परागत ज्योस्हेङ, ज्योस्हेङला ल्होलो आयाम ओसेम थेमतेन सम्बन्धित नुररि काठुइ सुताइ लाबा मुबा ।

(छिगकि दोनः ग्याल्साङ– राष्ट्रिय, साज्योस्हेङ– लोककला, आङ्सिचज्योस्हेङ– चित्रकला, छ्याज्योस्हेङ– हस्तकला, जोम्नाछेन– सम्मेलन, यान्दे– भदौ, ह्रोमिगाउराइ– सदस्यसचिव, जाम्बुलिङ– संसार, स्ह्रुग– रुप, गोछापा– प्रतिनिधि, ग्रेन्पो– प्रमुख, काक्ता– समस्या, गेस्यो– कार्यपत्र, छोक्बा– समुह)