याम्बु । व्हाइखाब्रिखेन ओसेम व्हाइब्रिखेन निरुपम श्रेष्ठला सोमछा कृति व्हाइपोप ‘कुमारी माया’ डोखेन ङोन्छाङ खाबा मुला । चु ङ्हाच्छा गोर ङ्ही व्हाइखापोप ‘देश स्वप्न (२०६३)’ थेन ‘बूढो समय (२०७९)’ बाबुराम श्रेष्ठला मिनरि सार्वजनिक ताबा मुला । दारेचा निरुपम श्रेष्ठला मिनरि डोखेन गुङरि थे प्रस्तुत ताबा हिन्ना ।

सिन्धुली मरिण गाउँपालिका चोहो विमर्श मोक्तान ‘प्रख्यात’ला ग्रेनडोन्बोरि थाइल्यान्डला बैंङ्ककरि निरुपम श्रेष्ठला ‘कुमारी माया’ ठ्वाङ्सेन ताबा मुबा । अंग्रेजी नुरला लोप्खेनला स्ह्रुगरि सक्रिय तासि नोन नेपाली व्हाइ ओसेम व्हाइखा ब्रिबारि ओतेबान तल्लिन मुला । नाम्सारि चिसि गोबा, नाबा थेन अनुभूत लाबा समाज, केवा थेन परिकल्पनारि राप्सि जाम्बुलिङदा व्हाइग्याम्से व्हाइबिख्रेन निरुपमसे चु पोपरि ल्हेबा मुला ।

व्हाइपोप ‘कुमारी माया’ रि ७५ व्हाइ पोप्बा मुला । व्हाइब्रिखेन बसन्तराज अज्ञातला सेमछुबा आवरण ज्योस्हेङला छ्याम ‘कुमारी माया’ प्रा.डा. कृष्णहरि बरालसे भूमिकारि ब्रिस्ह्युबा मुला, ‘संरचनागत हिसावसे च्यामा चुला व्हाइकादे स्थायी थेन अन्तरा बोरि फेबा मुला बिसाम ल्हानान व्हाइरि स्थायी ओम गोरङ्ही अन्तरा प्रयोग लाबा मुला । लयगत दानःरि बिमा थेसे हिगिकि लयदा प्रयोग लाबा मुला ।’