तामाङ समाज, शिजुओका , क्षेत्रीय कार्यसमिति, जापानला चोहोरि विजय सागर योन्जन
नेपाल तामाङ समाज, शिजुओका क्षेत्रीय कार्यसमितिला गिक्छा जोम्नासे विजय सागर योन्जनला चोहोदानरि छारकार्यसमिति स्होबा मुला । जुन ८ तारेखकुनु ताबा जोम्नासे ह्रोचोहोजुगुरि कुमार थिङ तामाङ, दिपक थिङ तामाङ थेन जामेकोलाग्याम शान्ता तामाङ मुला ।
कार्यसमितिला गाउराइरि मिलन थिङ तामाङ, छ्यागाउराइरि सुजन योन्जन, न्होरचोहोरि पारू लामा, छ्यान्होरचोहोरि प्रभात बोम्जन लामा मुला ।
कार्यसमितिला ह्रोम्हिकादेरि अनिता तामाङ लामा, विशाल लामा तामाङ, भुवन तामाङ, बिजय रुम्बा तामाङ, राजेन्द्र तामाङ, मिना मोक्तान तामाङ, प्रताप तामाङ, पन्चलाल तामाङ मुला ।
छारकार्यसमितिदा नेपाल तामाङ समाज, जापान केन्द्रसे थुजेछेला छ्याम सफल गेदुइला ज्याबाम्हान्बा फुल्बा मुला ।
चु छारकार्यसमितिसे तामाङ समुदायला रिमठिम, सामाजिक थेन सांगठानिक एकताला बाङ काप्सेला विश्वास किन्बा मुला ।
(छिगला अर्थः छ्यागाउराइ– सहसचिव, छ्यान्होरचोहा– सहकोषाध्यक्ष, ह्रोम्हि– सदस्य)
तपाईको प्रतिक्रिया दिनुहोस