काभ्रे । चौंरीदेउराली गाउँपालिका २ नाग्रेगगर्चेरि मुबा बाँझखेतला श्री टाँसी बिजा फेल्गेबा आधारभुत लोप्खाङला ३५ म्हे बिजाबुमोदा छार झोला बोलाबा मुला । बिजाबुमोदा थे झोला कान्छीमाया तामाङ फाउन्डेशन, धुलिखेलला चोहो डा. दिलबहादुर थोकर तामाङ थेन चौंरीदेउराली गाउँपालिका वडा नं. ७ दाते याम्बुला बौद्धरि चिबा समाजसेवी कुलबहादुर लामासे पिन्बा हिन्ना ।
ल्हाथुमला लोप्खेनकादेदा झोला बोलाबासे लोप्खाङला प्रधानाध्यापक लक्ष्मी लामासे ह्रोलाबाजुगुदा थुजेछे फुल्बा मुला ।
लोप्खाङ डिछ्याबा समितिला चोहो दम्जेदोर्जे लामाला चोहोदानरि ताबा चु गेताङला ग्रेनडोन्बो वडा ह्रोम्हि देवी श्रेष्ठ मुबा बिसाम डोन्बोरि स्हेङ्खेन ह्रोम्हि नोर्बु घ्याम्चो लामा मुबा ।
गेताङरि लोप्पोन अभिभावक गेदुङला चोहो प्रकाश योन्जन तामाङ, लोप्खाङला लोप्पोन, कर्मचारी, लोप्खेन थेन अभिभावककादेसे बोकिन्बा मुबा । झोला बोलामाहेन्से अभिभावक थेन लोप्खेनकादे ताङ्बा मुबा ।
(छिगला अर्थः लोप्खाङ– स्कुल, लोप्खेन– विद्यार्थी, बिजाबुमो– बालबालिका, बिजा– बाल, फेल्गेबा– विकास, ल्हाथुम– ग्रामिण क्षेत्र, डिछ्याबा– व्यवस्थापन, स्हेङ्खे– संस्थापक, ह्रोम्हि– सदस्य, लोप्पोन– शिक्षक, गेदुङ– संघ)
तपाईको प्रतिक्रिया दिनुहोस