ङा
ह्राङ्नोन ङोसेबा हिन्ना,
चाबास्हे यु आतो ।
कमजोर मुसिम,
पाप्खाम्ला तासाइ ह्राङ्नोन रेसेला मुला ।
चाबास्हे यु आतो ।
निबान हिन्ना,
ङा आन्दोलन थेन मोर्चाकादेरि
ब्रिबान हिन्ना ब्यानार थेन पर्चाकादेरि
रेन्बान हिन्ना ग्योइला आन्दोलन
तासाइ, चाबास्हे यु आतो ।
थाहा तासिनोन
थाहा आताबा ह्राङ्नोन थालापिन्गो
चेमो आमाग्योइपाजुगु !
ह्याङ्से
नाकादा चाबास्हे पिन्सि
छाङरि डुङ्सि
फ्याङ चुङ्बा ह्राङ्नोन,
तिरेकुनु
खानाङए ह्याङ्ला आमाग्योइदा नोन
फ्याङ चुङ्सेलाम आहिन ?
(छिगला अर्थः चाबास्हे– चारो, चेमो– प्रिय, आमाग्योइपा– मातृभाषी)
दोःबा : यकिना अगाध
तपाईको प्रतिक्रिया दिनुहोस